I Têsalônik 5:24 - Nau Brah Ndu Ngơi 2023

²⁴ Nơm hŏ kuăl khân may jêng răp jăp, Păng mra ƀư nau nây.

Bunong Bible Latin Script Cambodian dialect

²⁴ Kôranh Brah i kuăl khân ay may nây, Păng geh nuih n'hâm răp jăp, Păng jan nau i nây tât ngăn ro.

Bunong

²⁴ កោរាញ​ឞ្រាស​អី​ក្វាល់​ខាន់​អៃ​មៃ​នៃ ពាង់​គែស​នូយ្ស​នហ៝ម់​រាប់​ជាប់ ពាង់​ជាន​នាវ​អី​នៃ​ត៝ត់​ងាន់​រ៝។

I Têsalônik 5:24 ပူးပေါင်းရင်းမြစ်များ

II Phung Hađăch 19:31

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Nau Mprơ Ơm 100:5

Yorlah Brah Yêhôva jêng ueh, Nau ueh Păng hôm geh mro mrăng Jêh ri nau răp jăp Păng hôm gŭ n'ho ro.

Nau Mprơ Ơm 138:2

Gâp mra yơk mbah mpeh ma ngih brah kloh ueh May, Lah ueh ma amoh May yor nuih n'hâm ueh jêh ri nau răp jăp May. Yorlah Kôranh Brah hŏ ƀư ma nau May ngơi jêh ri amoh May Dơi geh nau yơk lơn đah lĕ rngôch.

Nau Mprơ Ơm 146:6

Păng jêng Nơm rhăk njêng trôk jêh ri neh ntu, Dak Mƀŭt jêh ri lĕ rngôch mpa tâm khân păng; Păng djôt prăp nau răp jăp n'ho ro.

Nau Mprơ Ơm 36:5

Ơ Brah Yêhôva, nau ueh May rlau lĕ ndâr trôk klơ; Nau răp jăp May prêh tât tâm ndâr tŭk nđĭr.

Nau Mprơ Ơm 40:10

Gâp mâu pôn ôh nau sŏng srăng May tâm nuih n'hâm gâp; Gâp mbơh jêh nau răp jăp jêh ri nau yô̆ ma nau May tâm rklaih; Gâp mâu pôn ôh nau ueh jêh ri nanê̆ May, Ma phung tâm rƀŭn âk.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 89:2

Yorlah gâp lah jêh: “Nuih n'hâm ueh May dơi ndâk nâp tât n'ho ro, May ƀư nâp nau răp jăp May nâm bu lĕ ndâr trôk.”

Nau Mprơ Ơm 92:2

Nkoch mbơh nau ueh May tâm ăp kêng ôi, Jêh ri nau răp jăp May tâm dôl măng,

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 37:32

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Nau Nhĭm Vơl 3:23

Tâm ăp ôi, Nau yô̆ nđach Kôranh Brah mhe mro, Nau răp jăp May jêng toyh hâu ngăn.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 3:33

Mbu hŏ sŏk dơn nau Păng mbơh knoch, ƀư nâp pô aơ Brah Ndu jêng nau nanê̆ ngăn.

Samƀŭt Pôl Njuăl Ăn Ma Phung Nsing Ta Ƀon Rôm 8:30

Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 9:24

tâm nây geh he, jêng phung Păng kuăl jêh, mâu di knŏng bơh phung Yuđa dơm ôh, ƀiălah nđâp ma phung bu năch, mhâm hơh?

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Nau Vay Nkah Tay 7:9

Yor ri, ăn khân may gĭt năl Yêhôva Brah Ndu khân may jêng Brah Ndu, Brah Ndu răp jăp, Nơm djôt prăp nau tâm rnglăp jêh ri nau ueh tât âk rbăn rô̆ nuyh ma lĕ phung rŏng ma Păng jêh ri djôt prăp nau vay Păng ntăm.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

II Têsalônik 2:14

Yor nau nây đŏng, Păng hŏ dŏng Nau Mhe Mhan Ueh hên kuăl khân may gay dơn nau chrêk rmah bơh Kôranh Brah he jêng Brah Yêsu Krist.

II Têsalônik 3:3

Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

II Timôthê 2:13

Tơlah he mâu gŭ răp jăp, Păng ăt gŭ răp jăp; Yorlah Păng mâu dơi dun ma Păng nơm ôh.

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

II Pêtrôs 1:3

Nau brah Brah Ndu ăn jêh ma he lĕ rngôch nau tât ma nau rêh jêh ri ma nau blau yơk, tă bơh nau gĭt năl Păng jêng Nơm kuăl jêh he ma nau chrêk rmah jêh ri nau ueh Păng nơm.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”