I Têsalônik 5:14 - Nau Brah Ndu Ngơi 2023

¹⁴ Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

Bunong Bible Latin Script Cambodian dialect

¹⁴ Ơ oh nô ta nau nsing, gâp ŭch nkah khân ay may, ăn khân ay may nduih ma phung i ƀlao jan kar, n'hao nuih n'hâm ma phung i geh nau nklŏn rvê, kơl ma phung rdja, lơi ôh dâl ma dâng lĕ bunuyh đŏng.

Bunong

¹⁴ អើ​អ៝ស​នោ​តា​នាវ​ញឆីង គ៝ប់​អុច​ងកាស​ខាន់​អៃ​មៃ អ៝ន់​ខាន់​អៃ​មៃ​នទុយ្ស​មា​ផូង​អី​ប្លាវ​ជាន​ការ នហាវ​នូយ្ស​នហ៝ម់​មា​ផូង​អី​គែស​នាវ​ងក្ល៝ន់​រាវៃ កើល​មា​ផូង​រាអ្យា លើយ​អោស​ទឹល​មា​ទឹង​លែៈ​ឞូនុយ្ស​ដ៝ង់។

I Têsalônik 5:14 ပူးပေါင်းရင်းမြစ်များ

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 6:12

Ngih vâl, lŏ sre ndrel ma ur kon khân păng Mra jao tâm ti phung êng; Yorlah Gâp mra yơr ti Tâm rdâng đah ƀon lan ta neh nây,” Brah Yêhôva lah pônây.

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Mathay 12:20

Păng mâu mra nkê̆ch lơi ôh tơm rpho hŏ chah jêh, Mâu nhhât ôh ŭnh kađen bơi nhhât, Kŏ tât Păng ăn nau di tât ma dơi.

Luka 22:32

Ƀiălah Gâp mbơh sơm jêh gay ma may mâu mra pưt nau chroh. Tơlah may plơ̆ sĭt, ƀư hom ma phung oh nâu may ktang.”

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Kôranh Oh Mon 20:31

Pôri, rngeh njrăng hom, kah gĭt tay dôl tâm pe năm, măng jêh ri nar, gâp mâu rlu ôh hoch dak măt gay ntĭm nti ma lĕ rngôch bunuyh.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

I Kôrintô 4:14

Gâp nchih nau nây mâu di gay ƀư ma khân may bêk prêng ôh, ƀiălah gay ma đă khân may nâm bu phung kon gâp rŏng ngăn ngên.

I Kôrintô 8:7

Ƀiălah mâu di lĕ rngôch ôh geh nau gĭt rbăng aơ. Ƀaƀă bunuyh mơng bên ir ma rup brah, yor ri tơlah sa ndơ ƀư brah nây, ri mơ uănh nâm bu hŏ nhhơr jêh ma rup brah, jêh ri nuih n'hâm sŏng khân păng rdja geh nau ƀơ̆ ƀơch.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

II Têsalônik 3:15

Nđâp lah kơt nĕ, lơi uănh ma khân păng nâm bu du huê rlăng ôh; ƀiălah, ntĭm hom nâm bu du huê oh nâu nơm.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 1:10

Geh âk phung bunuyh mâu di keh, lor lơn jêng phung bunuyh ŭch nau koh ntâu, phung vay ngơi âk nau mâu khlay jêh ri phung ndơm; ăn may ƀư ma khân păng gŭ rklăk.

Titus 1:6

Kôranh bu ranh jêng mâu geh ôh nau nduyh; nguay ur nguay sai; phung kon khân păng chroh ma Kôranh Brah, mâu geh ôh nau bu phong ma nau ƀư blă blơ mâu lah mâu di đah nau vay.

ហេឞ្រើ 12:12

Pôri, yơr hom ti rdja khân may jêh ri ƀư nâp ktang hom kômâk rbăn khân may.

ហេឞ្រើ 13:3

Kah gĭt hom ma phung bu krŭng tâm ban ma khân may nơm bu krŭng ndrel ma khân păng; jêh ri kah gĭt hom ma phung bu ƀư mhĭk, yorlah khân may nơm geh đŏng săk jăn tâm ban ma khân păng.