I Têsalônik 5:12 - Nau Brah Ndu Ngơi 2023

¹² Hơi phung oh nâu, hên dăn ma khân may ăn khân may yơk ma phung dôl pah kan hŏt ta nklang khân may, jêng phung leo jêh ri ntĭm nti khân may yor Kôranh Brah.

Bunong Bible Latin Script Cambodian dialect

¹² Ơ oh nô ta nau nsing, hên dăn ma khân ay may, ăn khân ay may yơk ma mpôl i jan kar ma khân ay may, jêng mpôl i leo trong khân ay may ta nau nsing, jêng mpôl i ntŭm nti khân ay may nau Kôranh Yêsu.

Bunong

¹² អើ​អ៝ស​នោ​តា​នាវ​ញឆីង ហេន​ទាន់​មា​ខាន់​អៃ​មៃ អ៝ន់​ខាន់​អៃ​មៃ​យើក​មា​មពោល​អី​ជាន​ការ​មា​ខាន់​អៃ​មៃ ជេង​មពោល​អី​លែវ​ត្រ៝ង​ខាន់​អៃ​មៃ​តា​នាវ​ញឆីង ជេង​មពោល​អី​នតុម​នតី​ខាន់​អៃ​មៃ​នាវ​កោរាញ​យេឆូ  ។

I Têsalônik 5:12 ပူးပေါင်းရင်းမြစ်များ

Luka 10:7

Gŭ hom tâm ngih nây, sông sa nhêt ndrel ma khân păng, yorlah bunuyh pah kan nkhôm găl geh prăk nau nkhôm păng nơm. Lơi chalơi ngih aơ trơn ngih êng.

Yôhan 4:38

Gâp hŏ njuăl khân may hăn rek ta ntŭk khân may mâu mâp hŏt ƀư, bunuyh êng hŏ ƀư kan hŏt jêh, bi khân may lăp dơn tâm kan hŏt khân păng.”

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Samƀŭt Pôl Njuăl Ăn Ma Phung Nsing Ta Ƀon Rôm 16:12

Mbah khâl đah H'Triphena jêh ri H'Triphôsa, jêng bar hê phung yuh hŏ pah kan hŏt r'ah yor ma Kôranh Brah. Mbah khâl đah H'Pêrsit, bunuyh yuh gâp rŏng, hŏ pah kan hŏt rgănh ma Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 16:6

Mbah khâl đah H'Mari, nơm hŏ kan pah hŏt r'ah yor ma khân may.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 16:16

Gâp nti nkah khân may tông hom ma phung bunuyh nâm nđĕ, jêh ri lĕ phung bunuyh pah kan rêh ni ndrel ma khân păng.

I Kôrintô 16:18

yorlah phung bunuyh nây hŏ ƀư ăn mpay nuih n'hâm gâp tâm ban khân may đŏng. Gĭt yơk hom ma phung bunuyh nâm bu pônây.

I Kôrintô 3:9

Yorlah hên jêng phung bunuyh pah kan ndrel ma Brah Ndu; khân may jêng mir lŏ Brah Ndu, jêng ngih Brah Ndu.

II Kôrintô 11:23

Khân păng jêng phung oh mon ma Brah Krist ƀơh? — Gâp ngơi nâm bu du huê bunuyh rluk mâl — gâp ueh lơn đah khân păng đŏng! Gâp hŏ pah kan hŏt rgănh âk lơn, gŭ ndrung âk lơn, bu dong âk lơn, âk tơ̆ bơi ma khĭt.

II Kôrintô 5:9

Yor nây, nđâp tơlah gŭ tâm săk jăn aơ, nđâp tơlah luh, he ƀư lĕ nau ktang gay ƀư maak nuih n'hâm Kôranh Brah.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Galati 4:11

Gâp rvê klach ma khân may, klach lah gâp pah kan jâk jêr dơm dam jêh ma khân may.

Philip 2:16

Djôt nâp hom nau ngơi rêh mro mrăng, gay tâm nar Brah Krist, gâp dơi tâm rnê êng ma gâp nơm mâu nchuăt dơm dam jêh ri mâu jâk jêr dơm dam.

Philip 2:19

Yor Kôranh Brah jêng Brah Yêsu, gâp kâp gân njuăl gơnh Y-Timôthê văch ma khân may, gay ma gâp nơm geh nau n'hao nuih dôl gĭt nau mhe mhan tă bơh khân may.

Kôlôh 1:29

Yor ma nau aơ gâp kan lĕ n'hâm suan jêh ri tâm lơh ma lĕ nau ktang bơh Păng ƀư ăn ktang tâm gâp.

I Têsalônik 2:9

Hơi phung oh nâu, nanê̆ khân may hôm kah gĭt ma nau jâk jêr jêh ri nau dŭt hŏt hên; tâm dôl mbơh nkoch Nau Mhe Mhan Ueh Brah Ndu ma khân may, hên pah kan măng nâm nar gay mâu ăn jêng nau jâk ôh ma du huê tâm phung khân may.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

I Timôthê 5:1

Lơi ngơi dăng ôh nau nduyh ma bu klâu ranh, ƀiălah bonh leng păng tâm ban ma du huê mbơ̆, gŭ ngao đah phung ndăm tâm ban ma phung oh nâu,

I Timôthê 5:20

Mpơl hom nau nduyh ma phung bunuyh vay ƀư tih, gay ma phung êng klach đŏng.

II Timôthê 2:6

Nơm kan mir rgănh pah kan, mra dơn kao play lor lơn.

Titus 1:3

jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

Titus 1:5

Gâp chalơi jêh may tâm n'gor Kret gay ma may dăp nkra lĕ nau kan ê hŏ lôch ôh, jêh ri sâm jao kan phung kôranh bu ranh tâm ăp ƀon tâm ban gâp ntĭm jêh ma may.

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

ហេឞ្រើ 13:7

Kah gĭt hom ma phung gai khân may, jêng phung mbơh nkoch jêh nau ngơi Brah Ndu ma khân may. Sek uănh hom nau tât ma nau rêh khân păng jêh ri kơt nau chroh khân păng.

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 2:12

“Nchih hom ma phung tông mpăr Phung Ngih Brah Ndu ta ƀon Pergam nâm pô aơ: Aơ jêng nau ngơi bơh Nơm geh đao bar măt mplônh ngăn:

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 2:3

May srôih, nsrôih dơn yor amoh Gâp mâu geh nau rgănh ôh.

Nau Tâm Mpơl 2:8

“Nchih hom ma phung tông mpăr Phung Ngih Brah Ndu ta ƀon Smirna pô aơ: Aơ jêng nau ngơi Nơm Lor Lơn jêh ri Nglĕ Dŭt, Nơm hŏ khĭt jêh, jêh ri dâk rêh tay:

Nau Tâm Mpơl 3:1

“Nchih hom ma phung tông mpăr ma Phung Ngih Brah Ndu ta ƀon Sardis pô aơ: Aơ jêng nau ngơi Nơm geh pơh huêng Brah Ndu, jêh ri pơh mănh mbing: ‘Gâp gĭt lĕ kan may; may geh nau lư rêh ƀiălah may jêng khĭt.

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng:

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: