I Têsalônik 5:11 - Nau Brah Ndu Ngơi 2023

¹¹ Pôri, ăn tâm n'hao nuih n'hâm ndrăng nơm, nâm bu khân may vay ƀư.

Bunong Bible Latin Script Cambodian dialect

¹¹ Lah ndri ăn tâm n'hao nuih n'hâm ndrăng nơm, ăn tâm kơl ndjôt nâp nau nsing ndrăng nơm, kơt ma khân ay may lĕ geh jan.

Bunong

¹¹ លាស​នទ្រី​អ៝ន់​តឹម​នហាវ​នូយ្ស​នហ៝ម់​នទ្រាង់​នើម អ៝ន់​តឹម​កើល​ញអោត​ន៝ប់​នាវ​ញឆីង​នទ្រាង់​នើម កើត​មា​ខាន់​អៃ​មៃ​លែៈ​គែស​ជាន។

I Têsalônik 5:11 ပူးပေါင်းရင်းမြစ်များ

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

Samƀŭt Pôl Njuăl Ăn Ma Phung Nsing Ta Ƀon Rôm 15:14

Hơi phung oh nâu, gâp mĭn khân may geh jêh nuih n'hâm bêng nau rŏng bu, bêng nau gĭt rbăng, jêh ri geh nau blau nti nkah ndrăng khân may nơm.

Samƀŭt Pôl Njuăl Ăn Ma Phung Nsing Ta Ƀon Rôm 15:2

Ăn ăp nơm tâm phung he ƀư maak ma phung chiau meng he nơm gay kơl jêh ri ndâk njêng khân păng.

I Kôrintô 10:23

“Lĕ ntil ndơ dơi ƀư,” ƀiălah mâu di lĕ ntil ndơ geh khlay da dê. “Lĕ ntil ndơ ƀư” ƀiălah mâu di lĕ ntil ndơ ndâk njêng da dê.

I Kôrintô 14:12

Khân may tâm ban lĕ, yorlah ŭch tâm nau rêh huêng, khân may joi hom gay ma geh âk rmeh lĕ nau dơi ăn, gay ma ndâk njêng Phung Ngih Brah Ndu.

I Kôrintô 14:29

Knŏng geh đŏng bar mâu lah pe nuyh ngơi nau mbơh lor dơm, bi phung êng sek uănh nau khân păng ngơi.

I Kôrintô 14:5

Gâp ŭch ma lĕ rngôch khân may ngơi nau bu năch da dê, ƀiălah lơ hô ŭch lơn ăn khân may ngơi nau mbơh lor. Bunuyh ngơi nau mbơh lor jêng toyh lơn ma bunuyh ngơi nau bu năch, knŏng tơlah geh nơm gĭt rblang gay ma Phung Ngih Brah Ndu geh nau ndâk njêng.

II Kôrintô 12:19

Bơh ntơm saơm, khân may mĭn ma hên koh dŏng ma hên nơm tanăp khân may. Hơi phung gâp rŏng ngăn ngên, nây jêng tanăp Brah Ndu jêh ri tâm Brah Krist hên ngơi, lĕ rngôch knŏng gay ndâk njêng khân may.

Êphêsô 4:12

gay ndrăp phung kloh ueh ma nau pah kan jêh ri ndâk njêng săk jăn Brah Krist,

Êphêsô 4:16

Yor Păng, lĕ săk jăn tâm rnglăp jêh ri nkrêp nâp tă bơh lĕ rse tâm gop. Nôk ăp kô̆ ƀư kan tâm di ri mơ săk jăn mra văch ma toyh, jêh ri tâm n'hao tâm njêng êng păng nơm tâm nau rŏng.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

I Têsalônik 4:10

nanê̆ ngăn khân may dôl ƀư kơt nây đŏng ma lĕ rngôch phung oh nâu lam tâm n'gor Masêđôn. Ƀiălah hơi oh nâu, hên nti nkah ma khân may lơ hô tâm rŏng lơn đŏng.

I Têsalônik 4:18

Pôri, khân may sŏk hom lĕ nau ngơi aơ gay bonh leng ndrăng khân may.

I Timôthê 1:4

lơi ta rvê đŏng ma lĕ nau nkoch bri ơm jêh ri ma phung noi deh mâu blau lôch, jêng lĕ nau tâm djrel âk lơn jêng ăn hao kan Brah Ndu tâm nau chroh.

ហេឞ្រើ 10:25

Lơi ta chalơi ôh nau tâm rƀŭn nâm bu phung ƀaƀă vay ƀư, ƀiălah ăn he nsŭk nsôr ndrăng nơm; tơlah khân may saơ nar Kôranh Brah dăch văch, lơ hô ƀư kơt nây âk lơn đŏng.

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.

II Pêtrôs 1:12

Yor nĕ gâp mra nkah ƀaƀơ ma khân may ma lĕ nau aơ, nđâp lah khân may hŏ gĭt jêh jêh ri dôl gŭ nâp tâm nau ngăn khân may nơm hŏ dơn jêh.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.