I Têsalônik 4:5 - Nau Brah Ndu Ngơi 2023

⁵ lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

Bunong Bible Latin Script Cambodian dialect

⁵ Lơi ôh ƀok gor tâng nau khơh kler ƀoi rnglay săk ŭch kơt phung i mâu di phung Israel i mâu gĭt năl Kôranh Brah.

Bunong

⁵ លើយ​អោស​ប៝ក​គ៝រ​តឹង​នាវ​ខើស​ក្លែរ​ប៝យ​រាង្លៃ​ឆាក់​អុច​កើត​ផូង​អី​មោ​ទី​ផូង​អីឆ្រាអែល  ​អី​មោ​គឹត​នាល់​កោរាញ​ឞ្រាស។

I Têsalônik 4:5 ပူးပေါင်းရင်းမြစ်များ

Nau Mprơ Ơm 79:6

Nkhŭt nau May ji nuih ta phung ƀon lan Mâu gĭt May, Jêh ri ta lĕ bri hađăch Mâu kuăl mbơh sơm ma amoh May.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Mathay 6:32

Yorlah lĕ rngôch ndơ nây phung bu năch tĭng joi đŏng, jêh ri Mbơ̆ khân may klơ trôk gĭt jêh moh ndơ khân may ŭch.

Luka 12:30

Yorlah lĕ rngôch ndơ nây, lĕ ntil mpôl bunuyh ta neh ntu vay joi, jêh ri Mbơ̆ khân may hŏ gĭt lĕ nau ŭch khân may jêh.

Kôranh Oh Mon 17:23

Yorlah dôl gâp nsong tâm ƀon khân may, treng uănh lĕ ntŭk khân may prăp yơk mbah, gâp saơ du nơng ƀư brah geh nchih rplay samƀŭt: YƠK MBAH BRAH BU MÂU MÂP GĬT NĂL. Pôri, Nơm khân may yơk mbah, ƀiălah mâu gĭt năl nây, Nơm nây yơh gâp nkoch mbơh ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 1:24

Yor ri, Brah Ndu hŏ jao ma khân păng ma lĕ nau kơnh tĭng nâm nuih n'hâm khân păng ŭch, tŭp tâm nau ƀơ̆ ƀơch gay ma ƀư bêk prêng ma săk jăn khân păng nơm,

Samƀŭt Pôl Njuăl Ăn Ma Phung Nsing Ta Ƀon Rôm 1:26

Yor nau nây Brah Ndu jao jêh ma khân păng ma nau kơnh ŭch khư ƀơ̆ ƀơch. Nđâp ma phung bu ur tâm rgâl jêh nau vay gŭ ur sai jêng nau mâu vay.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

Galati 4:8

Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.

Êphêsô 2:12

Kah gĭt hom rnôk nây, gŭ ta neh ntu aơ, khân may mâu geh Brah Krist ôh; mâu geh nau dơi jêng phung ƀon lan Israel ôh, jêng bu năch ma nau tâm rnglăp bơh nau ton, mâu geh nau kâp gân, mâu geh Brah Ndu ôh.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.