I Têsalônik 4:3 - Nau Brah Ndu Ngơi 2023

³ Yorlah nau mĭn Brah Ndu ŭch khân may dơi geh nau kloh ueh, ăn der ngai nau văng tĭr;

Bunong Bible Latin Script Cambodian dialect

³ Kôranh Brah ŭch khân ay may jan tâng nau ŭch Păng nơm lĕ bơh nuih n'hâm khân ay may. Ăn khân ay may der bơh nau tâm dŏng,

Bunong

³ កោរាញ​ឞ្រាស​អុច​ខាន់​អៃ​មៃ​ជាន​តឹង​នាវ​អុច​ពាង់​នើម​លែៈ​ឞើស​នូយ្ស​នហ៝ម់​ខាន់​អៃ​មៃ។ អ៝ន់​ខាន់​អៃ​មៃ​ទែរ​ឞើស​នាវ​តឹម​ទ៝ង់‌

I Têsalônik 4:3 ပူးပေါင်းရင်းမြစ်များ

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 40:8

Ơ Kôranh Brah Ndu gâp, gâp maak ngăn ƀư tĭng nau mĭn May ŭch. Nau vay May gŭ tâm nuih n'hâm gâp.

Kan Lêvi 15:18

Tơlah du huê bu klâu bê̆ch ndrel ma du huê bu ur, lĕ bar hê khân păng mra ŭm tâm dak jêh ri jêng ƀơ̆ ƀơch tât kêng măng.

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Mathay 5:32

Ƀiălah Gâp lah ma khân may: Mbu nơm chalơi ur păng mâu di yor nau văng tĭr jêng ƀư ma ur păng plơ̆ jêng bunuyh văng tĭr jêh, bi mbu nơm gŭ bu ur bu hŏ chalơi jêh jêng bunuyh ƀư tih nau văng tĭr.

Mathay 7:21

“Mâu di ôh mbu nơm lah ma Gâp: ‘Ơ Kôranh Brah, ơ Kôranh Brah’, mra lăp tâm ƀon bri hađăch klơ trôk; ƀiălah knŏng mbu nơm ƀư tĭng nâm nau Mbơ̆ Gâp gŭ ta klơ trôk ŭch.

Markôs 3:35

Mbu nơm ƀư tĭng nau Brah Ndu ŭch, nây jêng oh nâu, oh ruh, jêh ri mê̆ Gâp.”

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Kôranh Oh Mon 20:32

Aƀaơ aơ, gâp jao khân may ma Brah Ndu jêh ri ma nau chroh nau yô̆ Păng, jêng nau chroh dơi ndâk jêh ri ăn drăp ndơn ma khân may nđâp ma lĕ rngôch phung bunuyh geh nau kloh ueh.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 12:2

Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 7:2

Ƀiălah gay ma der tâm nau văng tĭr, ăn ăp nơm bu klâu geh ur, ăn ăp nơm bu ur geh sai.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

Galati 5:19

Nau kan bơh nglay săk rah vah jêh, nây jêng nau văng tĭr, nau ƀơ̆ ƀơch, nau blă blơ,

Êphêsô 5:17

Yor nây, lơi plơ̆ jêng nâm bu phung rluk mâl ôh, ƀiălah ăn khân may gĭt vât ra vah moh nau mĭn Kôranh Brah ŭch.

Êphêsô 6:6

mâu di tông bâr knŏng tanăp măt ôh, nâm bu khân may joi nau maak ma bunuyh, ƀiălah nâm bu phung dĭk Brah Krist, lĕ nuih n'hâm ƀư nau Brah Ndu ŭch.

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

I Têsalônik 4:2

Yorlah khân may gĭt moh nau ntĭm nti hên hŏ tâm amoh Kôranh Brah jêng Kôranh Brah Yêsu ăn ma khân may.

I Têsalônik 4:4

ăn ăp nơm blau mât mray săk jăn păng nơm tâm nau kloh ueh jêh ri nau yơk,

I Têsalônik 5:18

lah ueh hom ma Brah Ndu tâm lĕ nau tât, yorlah nây jêng nau mĭn Brah Ndu ŭch đah khân may tâm Yêsu Krist.

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 10:36

Ăn khân may srôih gay ƀư tĭng nau Brah Ndu ŭch, khân may mra dơn nau Păng ton jêh ma khân may.

ហេឞ្រើ 12:16

Uănh njrăng hom, lơi geh du huê jêng văng tĭr, mâu lah roh nau khư nâm bu Y-Êsau, yor ma du ntil ndơ sông sa, nơm tăch nau dơi kon bôk rah.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.

I Yôhan 2:17

Neh ntu jêh ri nau păng kơnh ŭch rlau lôch, ƀiălah mbu nơm ƀư tĭng nau mĭn Brah Ndu ŭch mra hôm e n'ho ro.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.