I Têsalônik 3:8 - Nau Brah Ndu Ngơi 2023

⁸ Yorlah aƀaơ aơ hên gŭ rêh yor khân may gŭ nâp tâm Kôranh Brah.

Bunong Bible Latin Script Cambodian dialect

⁸ Aƀaơ dja nuih n'hâm hên lĕ răm ngăn yor ma lĕ gĭt khân ay may hôm gŭ nâp ta nau nsing ma Kôranh Yêsu kơt nây.

Bunong

⁸ អាបៃ​អ្យា​នូយ្ស​នហ៝ម់​ហេន​លែៈ​រាម់​ងាន់​យ៝រ​មា​លែៈ​គឹត​ខាន់​អៃ​មៃ​ហោម​គុ​ន៝ប់​តា​នាវ​ញឆីង​មា​កោរាញ​យេឆូ  ​កើត​នៃ។

I Têsalônik 3:8 ပူးပေါင်းရင်းမြစ်များ

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Yôhan 15:4

Gŭ hom tâm Gâp ri mơ Gâp mra gŭ tâm khân may. Tâm ban ma n'gĭng krăk ƀâu, tơlah păng mâu gŭ tâm tơm krăk ƀâu, păng mâu dơi play êng păng nơm ôh. Tơlah khân may mâu gŭ tâm Gâp khân may tâm ban kơt nây đŏng.

Yôhan 15:7

Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.

Yôhan 8:31

Pôri, Brah Yêsu lah ma phung Yuđa chroh jêh ma Păng pô aơ: “Lah khân may gŭ nâp tâm nau Gâp ngơi, khân may jêng oh mon Gâp ngăn.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Galati 5:1

Brah Krist hŏ tâm rklaih jêh gay he geh nau kon me. Pôri dâk nâp hom, lơi dơm khân may nơm tâm dâng mbăk jêng dĭk du tơ̆ tay đŏng.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Philip 1:21

Yorlah ma gâp, rêh jêng Brah Krist, bi khĭt jêng nau ueh lơn ma gâp.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Philip 4:1

Pônây, hơi phung oh nâu gâp rŏng ngăn, jêng phung mĭt jiăng jêh ri klâng rvê, jêng nau maak jêh ri đon hađăch ma gâp, gŭ nâp hom tâm Kôranh Brah!

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

I Têsalônik 3:7

Hơi phung oh nâu, kơt nây tâm lĕ rngôch nau jâk jêr jêh ri nau rêh ni, hên hŏ dơi geh nau tâm bonh leng bơh nau khân may chroh.

ហេឞ្រើ 10:23

He djôt nâp hom nau mbơh nkoch ma nau he kâp gân mâu mpât n'gơ, yorlah Nơm ton jêh ma he, Păng jêng nau răp jăp.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 4:14

Yor nây, yorlah he geh du huê kôranh ƀư brah toyh lơn găn jêh lĕ ndâr trôk jêng Brah Yêsu, Kon Brah Ndu, pôri djôt nâp hom lĕ nau he mbơh.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

II Pêtrôs 3:17

Hơi phung gâp rŏng, khân may gĭt jêh lor nau aơ; pôri, njrăng hom, klach lah phung djơh mhĭk nây têk leo khân may tĭng nau vĭ nhhơt khân păng, jêh ri khân may roh nau nâp.

Nau Tâm Mpơl 3:11

Gâp văch gơnh; djôt nâp hom lĕ nau may geh jêh klach lah bu êng sŏk lơi đon hađăch may.

Nau Tâm Mpơl 3:3

Kah gĭt tay hom moh nau may dơn jêh ri tăng; djôt prăp hom jêh ri rmal hom nau tih. Tơlah may mâu rngeh njrăng Gâp mra văch nâm bu du huê nơm ntŭng; jêh ri may mâu mra gĭt ôh moh mông Gâp văch ƀât lât ta may.

I Samuel 25:6

jêh ri lah pô aơ: ‘Ăn nau đăp mpăn gŭ ndrel may, ăn nau đăp mpăn gŭ ndrel ma ngih vâl may jêh ri ma lĕ rngôch ndơ may geh!