I Têsalônik 3:3 - Nau Brah Ndu Ngơi 2023

³ gay mâu geh du huê tâm khân may rdja nuih tanăp lĕ nau rêh ni aơ; yorlah khân may nơm hŏ gĭt jêh nây jêng nau nal lor ma he.

Bunong Bible Latin Script Cambodian dialect

³ Hên đă păng hăn gay ma lơi ôh ăn du huê bah nsing yor ma nau jêr jŏt i bu jan jêr geh aƀaơ dja. Khân ay may lĕ gĭt jêh nau i nây, Kôranh Brah lĕ ăn ma bân geh nau jêr jŏt kơt nây.

Bunong

³ ហេន​ដាៈ​ពាង់​ហាន់​គៃ​មា​លើយ​អោស​អ៝ន់​ទូ​ហ្វេ​ឞាស​ញឆីង​យ៝រ​មា​នាវ​ជេរ​ជ៝ត់​អី​ឞូ​ជាន​ជេរ​គែស​អាបៃ​អ្យា។ ខាន់​អៃ​មៃ​លែៈ​គឹត​ជេស​នាវ​អី​នៃ កោរាញ​ឞ្រាស​លែៈ​អ៝ន់​មា​ឞ៝ន់​គែស​នាវ​ជេរ​ជ៝ត់​កើត​នៃ។

I Têsalônik 3:3 ပူးပေါင်းရင်းမြစ်များ

Ndrom Samƀŭt bơh Yôp 23:14

Păng mra ƀư lôch ntil nau Păng hŏ tâm nal ma gâp: Jêh ri âk ntil ƀoi nau nĕ Păng hŏ mĭn jêh tâm nuih n'hâm.

Nau Mprơ Ơm 112:6

Bunuyh sŏng srăng mâu mra n'gơ n'găr ôh, Nau kah gĭt ndray păng hôm tât n'ho ro.

Luka 21:12

Ƀiălah lor ma lĕ nau nây tât geh, yorlah amoh Gâp bu mra yơr ti ƀư mhĭk, jao njŭn khân may ma ngih rƀŭn jêh ri ma ngih ndrung; bu mra njŭn khân may hăn tât tanăp măt phung hađăch jêh ri phung kôranh toyh.

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Kôranh Oh Mon 2:25

Yorlah Y-Đavit lah jêh ma Păng: ‘Gâp saơ Kôranh Brah gŭ tanăp gâp, Yorlah Păng gŭ mpeh pa ma gâp, yor ri gâp mâu mra mpât n'gơ ôh.

Kôranh Oh Mon 21:11

Păng hăn chop khâl hên, sŏk rse bŭt Y-Pôl, chăp jâng ti păng nơm jêh ri lah: “Aơ jêng nau Brah Huêng Ueh lah: ‘Ta ƀon Yêrusalem, phung Yuđa mra chăp bunuyh geh rse bŭt aơ tâm ban pô aơ lĕ jêh ri jao păng ma phung bu năch.’ ”

Kôranh Oh Mon 21:13

Ƀiălah Y-Pôl plơ̆ lah: “Mâm ƀư khân may nhĭm jêh ri ƀư ji nuih n'hâm gâp? Yorlah gâp rơm ndrăp jêh mâu di knŏng nau bu chăp ôh, ƀiălah nđâp ma nau khĭt ta ƀon Yêrusalem, yor amoh Brah Yêsu lĕ.”

Kôranh Oh Mon 9:16

Gâp mra tâm mpơl ma păng gĭt âk nau rêh ni, păng mra dơn yor amoh Gâp.”

Samƀŭt Pôl Njuăl Ăn Ma Phung Nsing Ta Ƀon Rôm 5:3

Mâu di knŏng nau nây dơm, he răm maak đŏng tâm nau hŏt rgănh, yorlah he gĭt jêh nau hŏt rgănh luh nau srôih,

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

I Kôrintô 4:9

Yorlah gâp mĭn pô aơ, Brah Ndu hŏ dơm phung kôranh oh mon hên tâm ntŭk dŭt dêh tâm dâng, nâm bu phung bu rmal nkhĭt, yorlah hên jêng nau gơm ma neh ntu, tông mpăr jêh ri kon bunuyh.

Êphêsô 3:13

Yor nây, gâp dăn khân may lơi rdja nuih n'hâm yor lĕ nau rêh ni gâp dơn an ma khân may; nây jêng nau chrêk rmah ma khân may.

Philip 1:28

jêh ri mâu klach du ntil ndơ tă bơh phung rlăng. Nây jêng nau mbơh gay saơ khân păng mra geh nau rai yot, bi khân may geh nau tâm rklaih; jêh ri nau nây luh bơh Brah Ndu.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

I Têsalônik 5:9

Yorlah Brah Ndu mâu nal ôh ma he dơn nau ji nuih, ƀiălah dơn nau tâm rklaih tâm Brah Yêsu Krist, Kôranh Brah he,

II Têsalônik 1:4

Hên tâm rnê êng yor khân may tâm lĕ Phung Ngih Brah Ndu, ma nau srôih jêh ri nau chroh khân may tâm lĕ nau ƀư mhĭk jêh ri nau rêh ni khân may dơn jêh.

II Timôthê 1:8

Pôri, may lơi đit prêng ôh nôk mbơh nkoch Kôranh Brah he, mâu đŏng đit prêng ma gâp, nơm bu nă Păng; ƀiălah nsing hom nau brah Brah Ndu, ndrel ma gâp dơn nau rêh ni yor Nau Mhe Mhan Ueh.

I Pêtrôs 2:21

Khân may geh jêh nau kuăl ma nau nĕ, yorlah Brah Krist anh dơn jêh nau rêh ni ma khân may, prăp ma khân may du nơm leo trong, gay ma khân may hăn tĭng têl jâng Păng;

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.