I Têsalônik 3:12 - Nau Brah Ndu Ngơi 2023

¹² Dăn Kôranh Brah ƀư ăn ma khân may lơ hô hao lơn jêh ri bêng ma nau rŏng ndrăng nơm, jêh ri ma lĕ rngôch bunuyh, nâm bu hên rŏng jêh ma khân may,

Bunong Bible Latin Script Cambodian dialect

¹² Dăn Kôranh Brah ăn khân ay may geh nau rŏng lơ ma ŏk bêng ler ngăn, ma tâm rŏng ndrăng nơm, nđâp ma rŏng ma dâng lĕ bunuyh, kơt hên lĕ rŏng ma khân ay may đŏng.

Bunong

¹² ទាន់​កោរាញ​ឞ្រាស​អ៝ន់​ខាន់​អៃ​មៃ​គែស​នាវ​រ៝ង់​លើ​មា​អ៝ក់​ឞេង​លែរ​ងាន់ មា​តឹម​រ៝ង់​នទ្រាង់​នើម នអ៝ប់​មា​រ៝ង់​មា​ទឹង​លែៈ​ឞូនុយ្ស កើត​ហេន​លែៈ​រ៝ង់​មា​ខាន់​អៃ​មៃ​ដ៝ង់។

I Têsalônik 3:12 ပူးပေါင်းရင်းမြစ်များ

Nau Mprơ Ơm 115:4

Bi rup brah khân păng ƀư ma prăk jêh ri mah, Jêng kan bơh ti bunuyh ƀư.

Mathay 22:39

Bi nau vay ntăm rơh bar tâm ban kơt nây đŏng: ‘Ăn may rŏng ma bunuyh chiau meng tâm ban ma may nơm lĕ.’

Mathay 7:12

Pôri yơh, moh nau khân may ŭch bu ƀư ma khân may, ƀư hom nau nây ma khân păng, yorlah nây jêng nau vay jêh ri nau mbơh lor.

Luka 17:5

Phung kôranh oh mon lah ma Kôranh Brah: “Dăn ntop nau chroh ma hên!”

Samƀŭt Pôl Njuăl Ăn Ma Phung Nsing Ta Ƀon Rôm 13:8

Lơi ƀư iang rnon moh nau đah bu ôh, knŏng iang rnon nau rŏng ndrăng nơm; yorlah mbu nơm rŏng ma phung chiau meng păng nơm jêng hŏ ƀư lôch jêh nau vay.

II Kôrintô 9:10

Nơm ăn găr ntil ma nơm srih jêh ri piăng let jêng ndơ sông sa mra ăn găr ntil ma khân may jêh ri ƀư bĭk rơ̆ dŭt âk, lŏ ntop đŏng kao play ma nau sŏng srăng khân may.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Philip 1:9

Tâm nau gâp dăn mbơh sơm, nây jêng nau rŏng khân may lơ nar lơ hao lơn, ndrel ma nau gĭt rbăng jêh ri lĕ rngôch gĭt vât jru ngăn,

I Têsalônik 2:8

Hên rŏng ngăn ma khân may kŏ tât ŭch pă ma khân may, mâu knŏng Nau Mhe Mhan Ueh Brah Ndu ôh ƀiălah nđâp nau rêh hên đŏng, yorlah khân may jêng phung bunuyh hên rŏng ngăn ngên.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

I Têsalônik 5:15

Njrăng hom, lơi sŏk nau mhĭk mplơ̆ nau mhĭk, ƀiălah joi nau ƀư ueh ƀaƀơ ndrăng khân may tâm ban ma lĕ rngôch bunuyh.

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.