I Têsalônik 3:10 - Nau Brah Ndu Ngơi 2023

¹⁰ Nar jêh ri măng hên mbơh sơm ma nau duh nđơr ngăn, gay Păng ăn hên dơi saơ khân may, jêh ri ntop moh nau hôm e tâm nau khân may chroh.

Bunong Bible Latin Script Cambodian dialect

¹⁰ Dâng măng dâng nar ngăn hên nsrôyh mbơh sơm dăn ma Kôranh Brah, ăn say muh măt khân ay may, jêh ri ăn nau nsing khân ay may lĕ râng ngăn, mâu hôm ôh geh ntŭk mâu tŏng.

Bunong

¹⁰ ទឹង​មាង់​ទឹង​នារ​ងាន់​ហេន​ញឆ្រោយ្ស​មឞើស​ឆើម​ទាន់​មា​កោរាញ​ឞ្រាស អ៝ន់​ឆៃ​មុស​មាត់​ខាន់​អៃ​មៃ ជេសរី​អ៝ន់​នាវ​ញឆីង​ខាន់​អៃ​មៃ​លែៈ​រឹង​ងាន់ មោ​ហោម​អោស​គែស​នតុក​មោ​ត៝ង់។

I Têsalônik 3:10 ပူးပေါင်းရင်းမြစ်များ

Luka 2:37

jêh nây păng gŭ ndrô, tât aƀaơ păng geh pham jât ma puăn năm. Păng mâu mâp du tă bơh ngih brah, ăt măng nâm nar pah kan ma Brah Ndu, ât sông sa jêh ri mbơh sơm.

Kôranh Oh Mon 26:7

Yor nau kâp gân nây yơh, jât ma bar ndŭl mpôl hên nsrôih ngăn yơk mbah ma Brah Ndu măng nâm nar. Hơi hađăch, yor nau kâp gân nây yơh phung Yuđa phong gâp.

II Kôrintô 1:15

Yor nau gâp rnơm nây, gâp tâm nal hăn chop khâl khân may lor, gay khân may dơn nau ueh maak bar tơ̆.

II Kôrintô 1:24

Mâu di hên ŭch nkân ma nau chroh khân may ôh, ƀiălah hên ŭch ndrel ndâk njêng nau maak ma khân may, yorlah khân may hŏ dâk nâp tâm nau chroh.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

II Kôrintô 13:9

Hên răm maak yorlah tơlah hên jêng huơi, khân may jêng ktang. Nau hên mbơh sơm dăn, nây jêng khân may dơi geh tât nau nŭm rĭng.

Philip 1:25

Chroh n'hêl nanê̆ nau aơ, gâp gĭt ma gâp mra hôm gŭ rêh jêh ri hôm gŭ ndrel đah lĕ rngôch khân may gay kơl khân may hao toyh jêh ri răm maak tâm nau chroh.

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

I Têsalônik 3:11

Dăn Brah Ndu nơm, Mbơ̆ he, jêh ri Brah Yêsu, Kôranh Brah he, njŭn trong ma hên văch ta khân may!

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

II Timôthê 1:3

Gâp lah ueh ma Brah Ndu, jêng Nơm gâp pah kan ma nuih n'hâm kloh tâm ban phung chô yau gâp hŏ ƀư jêh, lĕ măng nâm nar, gâp kah gĭt ma may ƀaƀơ dôl gâp mbơh sơm.

ផីលេមោន 1:22

Tâm ban lĕ, ndrăp hom du ntŭk gŭ ma gâp, yorlah gâp kâp gân yor nau khân may mbơh sơm, gâp mra plơ̆ sĭt ma khân may.

Nau Tâm Mpơl 4:8

Puăn mpa rêh nây, ăp mpa geh prao nting năr, jŭm jêh ri tâm săk bêng măt da dê; măng nâm nar lah ƀaƀơ mâu rlu ôh: “Kloh ueh, kloh ueh, kloh ueh, Kôranh Brah jêng Brah Ndu Geh Lĕ Nau Brah, NƠM HŎ GEH JÊH, AɃAƠ AƠ JÊH RI DÔL VĂCH!”

Nau Tâm Mpơl 7:15

Yor ri, khân păng gŭ râng tanăp sưng hađăch Brah Ndu, măng nâm nar pah kan tâm ngih brah ma Brah Ndu; jêh ri Nơm gŭ ta sưng hađăch mra nkŭm nking khân păng.

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.