I Têsalônik 2:4 - Nau Brah Ndu Ngơi 2023

⁴ Ƀiălah, Brah Ndu hŏ rlong uănh hên jêh ri jao ma hên Nau Mhe Mhan Ueh, pô ri hên mbơh nkoch, mâu di ôh ŭch ƀư maak ma kon bunuyh, ƀiălah ŭch ƀư maak ma Brah Ndu jêng Nơm sek uănh nuih n'hâm hên.

Bunong Bible Latin Script Cambodian dialect

⁴ Kôranh Brah kơp hên di, ndri dâng Păng njŭn nau jan kar mbơh nkoch nau mhe mhan ueh dja ăn ma hên, jêh ri hên mbơh nkoch tâng ndơ i nây đŏng. Hên mâu ôh mbơh nkoch gay ma bunuyh rnê, yơn ma hên mbơh nkoch gay ma Kôranh Brah rnê, jêh ri Păng rlong nuih n'hâm hên đŏng.

Bunong

⁴ កោរាញ​ឞ្រាស​កើប​ហេន​ទី នទ្រី​ទឹង​ពាង់​ញជុន​នាវ​ជាន​ការ​មឞើស​ងក៝ច​នាវ​មហែ​មហាន​អ្វែស​អ្យា​អ៝ន់​មា​ហេន ជេសរី​ហេន​មឞើស​ងក៝ច​តឹង​នទើ​អី​នៃ​ដ៝ង់។ ហេន​មោ​អោស​មឞើស​ងក៝ច​គៃ​មា​ឞូនុយ្ស​រានេ យើន​មា​ហេន​មឞើស​ងក៝ច​គៃ​មា​កោរាញ​ឞ្រាស​រានេ ជេសរី​ពាង់​រាល៝ង​នូយ្ស​នហ៝ម់​ហេន​ដ៝ង់។

I Têsalônik 2:4 ပူးပေါင်းရင်းမြစ်များ

I Phung Hađăch 8:39

dăn Kôranh Brah klơ trôk, jêng ntŭk May gŭ, rkêng tôr iăt, yô̆ an, ƀư an jêh ri sâm mplơ̆ plơng ma ăp nơm tĭng nâm trong khân păng, jêh ri tĭng nâm lĕ nau Kôranh Brah gĭt năl tâm trôm nuih n'hâm khân păng, yorlah knŏng êng May dơi gĭt rah vah tâm nuih n'hâm kon bunuyh;

II Phung Hađăch 16:16

Kôranh ƀư brah Y-Urija ƀư di tĭng nâm lĕ nau hađăch Ahas hŏ ntĭnh jêh.

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 139:23

Ơ Brah Ndu! Dăn sek uănh gâp jêh ri gĭt nuih n'hâm gâp; Rlong uănh gâp gay ma gĭt nau mĭn gâp;

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Nau Kơp Bunuyh 27:16

“Ơ Brah Yêhôva jêng Brah Ndu ma phung huêng lĕ rngôch nglay săk! Dăn Kôranh Brah săch du huê bunuyh ma phung tâm rƀŭn

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Luka 16:11

Pôri tơlah khân may mâu răp jăp ma drăp ndơ mâu sŏng, mbu mra djôt drăp ndơ ngăn jao ma khân may?

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Samƀŭt Pôl Njuăl Ăn Ma Phung Nsing Ta Ƀon Rôm 8:27

Nơm sek uănh nuih n'hâm bunuyh, gĭt rah vah nau mĭn Brah Huêng Ueh, yorlah Brah Huêng Ueh tĭng nâm nau mĭn Brah Ndu ŭch, mbơh sơm kơl an ma phung kloh ueh.

I Kôrintô 7:25

Bi ma phung bu ur druh, gâp mâu geh nau ntăm tă bơh Kôranh Brah; ƀiălah yor ma nau Kôranh Brah yô̆ nđach, gâp lah nau mĭn gâp nơm tâm ban ma du huê nuyh geh nau khư rnơm nsing.

I Kôrintô 9:17

Tơlah gâp nđơr êng pah kan nau aơ gâp geh nau nkhôm; tơlah mâu nđơr, nau pah kan nây ăt jao đŏng ma gâp.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

II Kôrintô 5:11

Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Galati 2:7

Pô ri, tơlah khân păng saơ nau mbơh nkoch Nau Mhe Mhan Ueh ma phung mâu koh ntâu jao jêh ma gâp, nâm bu nau mbơh nkoch jêh Nau Mhe Mhan Ueh ma phung koh ntâu jao jêh ma Y-Pêtrôs —

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Êphêsô 6:6

mâu di tông bâr knŏng tanăp măt ôh, nâm bu khân may joi nau maak ma bunuyh, ƀiălah nâm bu phung dĭk Brah Krist, lĕ nuih n'hâm ƀư nau Brah Ndu ŭch.

Kôlôh 3:22

Hơi phung ƀư dĭk bu, tông bâr hom ma kôranh khân may ta neh ntu aơ tâm lĕ rngôch ndơ, mâu knŏng tông bâr tra năp măt khân păng, nâm bu nơm srôih ƀư maak nuih n'hâm bu, ƀiălah yor klach yơk ma Kôranh Brah, tông bâr ndrel ma nuih n'hâm nanê̆.

I Timôthê 6:20

Hơi Y-Timôthê, djôt prăp hom lĕ nau bu jao jêh ma may, der lĕ nau ngơi lă lêng mâu geh nau khlay jêh ri nau tâm rlăch âk nau bu ntôn lah jêng nau gĭt rbăng;

II Timôthê 1:14

Rnơm hom Brah Huêng Ueh, Nơm dôl gŭ tâm he, gay ma djôt prăp ndơ ueh jao jêh ma may.

II Timôthê 2:2

Lĕ nau may tăng jêh bơh gâp ta năp âk bunuyh mbơh, jao hom ma phung bunuyh geh nau răp jăp ngăn, jêng phung bunuyh geh nau blau nau ntĭm nti ma phung ƀaƀă.

Titus 1:3

jêh ri tât di nôk nal, Păng tâm mpơl jêh nau Păng ngơi tâm nau mbơh nkoch Păng jao jêh ma gâp tĭng nau ntrŭnh bơh Brah Ndu, Nơm Tâm Rklaih he.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.