I Têsalônik 2:2 - Nau Brah Ndu Ngơi 2023

² Ƀiălah nâm bu khân may hŏ gĭt jêh, nđâp lah hŏ dơn nau rêh ni jêh ri nau mưch rmot ta ƀon Philip, hên hôm geh nau janh tâm Brah Ndu gay ntăm ma khân may Nau Mhe Mhan Ueh Brah Ndu ta nklang âk nau tâm rdâng.

Bunong Bible Latin Script Cambodian dialect

² Khân ay may lĕ gĭt jêh, jêh hên dơn nau jêr jŏt, nau bu rak suai hên ta ƀon Philip nơh, Kôranh Brah ăn hên geh nuih n'hâm bănh mbơh nkoch nau mhe mhan ueh Păng tât ma khân ay may đŏng, bol lah geh nau tâm rdâng dŭt hô kađôi.

Bunong

² ខាន់​អៃ​មៃ​លែៈ​គឹត​ជេស ជេស​ហេន​ទើន​នាវ​ជេរ​ជ៝ត់ នាវ​ឞូ​រាក​ឆ្វាយ​ហេន​តា​ប៝ន​ផីលីប  ​នើស កោរាញ​ឞ្រាស​អ៝ន់​ហេន​គែស​នូយ្ស​នហ៝ម់​ឞាញ់​មឞើស​ងក៝ច​នាវ​មហែ​មហាន​អ្វែស​ពាង់​ត៝ត់​មា​ខាន់​អៃ​មៃ​ដ៝ង់ ឞ៝ល​លាស​គែស​នាវ​តឹម​រាទ៝ង់​ទុត​ហោ​កាដោយ។

I Têsalônik 2:2 ပူးပေါင်းရင်းမြစ်များ

Kôranh Oh Mon 14:3

Nđâp lah pônây, bar hê kôranh oh mon gŭ ta nây jŏ nar, mbơh nkoch Kôranh Brah ma nau nănh; Kôranh Brah dŏng ti khân păng ƀư lĕ nau mbên khlay jêh ri nau khlay gay ma mbơh nau chroh ma nau Păng yô̆.

Kôranh Oh Mon 14:5

Nôk nây, phung bu năch jêh ri phung Yuđa ndrel ma phung kôranh chiă uănh khân păng tâm nchră ƀư djơh jêh ri klŭp bar hê kôranh oh mon ma lŭ.

Kôranh Oh Mon 16:12

tă bơh nây, hên hăn ta ƀon Philip, du ƀon lor lơn tâm n'gor Masêđôn, jêng n'gor phung Rôm chiă uănh. Hên gŭ ta nây bar pe nar.

Kôranh Oh Mon 16:19

Ƀiălah dôl phung kôranh bu ur nây saơ mâu hôm geh nau joi âk prăk đŏng ôh, nhŭp Y-Pôl ndrel ma Y-Silas, têk khân păng tât ta nkual toyh jao ma phung kôranh chiă uănh.

Kôranh Oh Mon 16:37

Ƀiălah Y-Pôl lah ma khân păng: “Hên jêng phung ƀon lan Rôm, aƀaơ ri ê hŏ gĭt dôih, khân păng hŏ dong jêh hên ma mâng tanăp phung âk, jêh ri krŭng tâm ndrung; mâm ƀư aƀaơ khân păng mƀơk hên tâm nau ndâp? Mâu dơi ôh! Ăn phung kôranh nơm văch ta aơ mƀơk hên.”

Kôranh Oh Mon 17:1

Y-Pôl jêh ri Y-Silas hăn rgăn ƀon Amphipôlis jêh ri ƀon Apôlônia, jêh tât ta ƀon Têsalônik, geh du ngih rƀŭn Yuđa.

Kôranh Oh Mon 17:17

Pônây, păng tâm rlăch nchră đah phung Yuđa jêh ri phung bu năch tĭng nau phung Yuđa chroh tâm ngih rƀŭn, tâm ban đŏng đah phung bunuyh vay mâp ăp nar ta nkual toyh.

Kôranh Oh Mon 19:8

Y-Pôl lăp tâm ngih rƀŭn, nti lah ma nau nănh, tâm rlăch jêh ri jă bu gŭ iăt ma ƀon bri hađăch Brah Ndu tâm pe khay.

Kôranh Oh Mon 4:13

Lah khân păng saơ nau janh Y-Pêtrôs jêh ri Y-Yôhan, gĭt rah vah bar hê khân păng jêng phung ƀon lan dơm, mâu mâp nti ôh, khân păng hih rhâl da dê jêh ri gĭt năl jêh bar hê khân păng nây hŏ tă gŭ ndrel ma Brah Yêsu.

Kôranh Oh Mon 4:20

Yorlah hên mâu dơi mâu ngơi ma lĕ nau hên nơm hŏ saơ jêh ri tăng.”

Kôranh Oh Mon 4:31

Lôch jêh mbơh sơm, ntŭk khân păng tâm rƀŭn mpât n'gơ, lĕ rngôch khân păng bêng ma Brah Huêng Ueh da dê, mbơh nau Brah Ndu ngơi ma nau nănh.

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 1:1

Y-Pôl, oh mon Brah Yêsu Krist, Brah Ndu kuăl jêh ăn jêng kôranh oh mon jêh ri prăp êng ma Nau Mhe Mhan Ueh Brah Ndu,

II Kôrintô 3:12

Yor he geh nau kâp gân nâm nđĕ, pôri hên geh nau nănh,

Kôlôh 2:1

N'hêl nanê̆ ngăn, gâp ŭch khân may gĭt gâp hŏ yor ma khân may, yor phung ta ƀon Laođisê jêh ri yor lĕ phung ê hŏ saơ muh măt gâp tâm săk jăn hŏ tâm lơh jêr jŏk,

I Têsalônik 1:5

yor ma Nau mhe Mhan Ueh hên hŏ ntĭnh jêh ma khân may, mâu di knŏng tâm nau ngơi ôh, ƀiălah ma nau brah, ma Brah Huêng Ueh jêh ri ma nau gĭt nanê̆ jru ngăn đŏng. Khân may gĭt rah vah jêh nôk hên hôm gŭ ta nklang khân may, hên gŭ rêh jêh yor khân may.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

Yuđas 1:3

Hơi phung gâp rŏng ơi, gâp ŭch ngăn nchih ma khân may ma nau tâm rklaih he geh ndrel; gâp mĭn ŭch nchih gay n'hao nuih n'hâm khân may tâm lơh yor nau chroh, jêng nau chroh ntăm jêh ma phung kloh ueh du tơ̆ rĭng jêh.