I Têsalônik 2:13 - Nau Brah Ndu Ngơi 2023

¹³ Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

Bunong Bible Latin Script Cambodian dialect

¹³ Kơt ndri dâng hên lah ueh ma Kôranh Brah ƀaƀơ ngăn, yorlah nôk hên leo nau mhe mhan ueh mbơh nkoch ăn ma khân ay may nơh, khân ay may sŏ dơn ro, mâu ôh kơp nau i nây jêng nau ngơi bunuyh, khân ay may kơp nau i nây jêng nau ngơi Kôranh Brah ngăn. Di ngăn jêng nau ngơi Kôranh Brah nơm i ăn geh nuih n'hâm lơ ma ueh ma bunuyh i nsing ma Păng.

Bunong

¹³ កើត​នទ្រី​ទឹង​ហេន​លាស​អ្វែស​មា​កោរាញ​ឞ្រាស​បាបើ​ងាន់ យ៝រ​លាស​នោក​ហេន​លែវ​នាវ​មហែ​មហាន​អ្វែស​មឞើស​ងក៝ច​អ៝ន់​មា​ខាន់​អៃ​មៃ​នើស ខាន់​អៃ​មៃ​ឆ៝ៈ​ទើន​រ៝ មោ​អោស​កើប​នាវ​អី​នៃ​ជេង​នាវ​ងើយ​ឞូនុយ្ស ខាន់​អៃ​មៃ​កើប​នាវ​អី​នៃ​ជេង​នាវ​ងើយ​កោរាញ​ឞ្រាស​ងាន់។ ទី​ងាន់​ជេង​នាវ​ងើយ​កោរាញ​ឞ្រាស​នើម​អី​អ៝ន់​គែស​នូយ្ស​នហ៝ម់​លើ​មា​អ្វែស​មា​ឞូនុយ្ស​អី​ញឆីង​មា​ពាង់។

I Têsalônik 2:13 ပူးပေါင်းရင်းမြစ်များ

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Mathay 10:20

Yorlah mâu di khân may nơm ngơi ôh, ƀiălah Brah Huêng Ueh Mbơ̆ khân may mra ngơi an khân may.

Mathay 10:40

“Mbu nơm rom khân may jêng rom Gâp, mbu nơm rom Gâp jêng rom Nơm hŏ njuăl Gâp.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Luka 5:1

Du tơ̆ ri, nôk Brah Yêsu dâk ta kơh dak nglao Gênêsaret, phung ƀon lan tâm in mpet jŭm Păng gay iăt nau Brah Ndu ngơi.

Luka 8:11

Nau hôr nây geh rblang kơt aơ: Grăp ntil jêng nau chroh ma Kôranh Brah.

Luka 8:21

Ƀiălah Păng plơ̆ lah: “Mê̆ jêh ri phung oh Gâp jêng phung bunuyh tăng jêh ri ƀư tĭng nau Brah Ndu.”

Yôhan 15:3

Khân may jêng kloh jêh yor ma nau ngơi Gâp hŏ ntăm nti jêh ma khân may.

Yôhan 17:17

Dăn Mbơ̆ sŏk nau ngăn ƀư kloh ueh khân păng. Nau Mbơ̆ ngơi jêng nau ngăn.

Yôhan 17:19

Kon jao săk Kon ma khân păng, gay ma khân păng geh nau kloh ueh tâm nau ngăn.

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 13:48

Nôk tăng nau nây, phung bu năch răm maak, tâm rnê nau chroh ma Brah Ndu; phung bunuyh Brah Ndu tâm nal ma nau rêh n'ho ro chroh da dê.

Kôranh Oh Mon 16:14

Geh du huê bu ur iăt hên, amoh păng H'Lidi, bơh ƀon Thiatir, vay tăch bok chăng krăk, jêng bunuyh yơk mbah ma Brah Ndu. Kôranh Brah pơk nuih n'hâm H'Lidi ƀư ăn păng rkêng tôr iăt nau Y-Pôl ngơi.

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Kôranh Oh Mon 17:32

Tơlah khân păng tăng Y-Pôl ngơi ma nau dâk rêh tay bơh nau khĭt, ƀaƀă bunuyh gơm mưch, ƀiălah ƀaƀă bunuyh êng lah: “Hên mra ŭch iăt may nkoch bri nau aơ du tơ̆ đŏng.”

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 8:14

Phung kôranh oh mon gŭ ta ƀon Yêrusalem tăng lư phung Samari sŏk dơn jêh nau rnơm tâm Brah Ndu, khân păng njuăl Y-Pêtrôs jêh ri Y-Yôhan hăn tât ta khân păng.

Samƀŭt Pôl Njuăl Ăn Ma Phung Nsing Ta Ƀon Rôm 10:17

Pôri, nau chroh luh bơh lĕ nau bu iăt, jêh ri bu tăng jêng nôk bu mbơh nkoch ma nau Brah Krist ngơi.

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

Galati 4:14

nđâp tơlah nglay săk gâp jêng du nau rlong uănh ma khân may, khân may mâu đŏng mưch rmot mâu lah dun gâp ôh, ƀiălah khân may vơt rom gâp nâm bu du tông mpăr Brah Ndu, nâm bu vơt rom Brah Yêsu Krist nơm.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

ហេឞ្រើ 4:2

Yorlah Nau Mhe Mhan Ueh mbơh nkoch ma he jêh, tâm ban ma khân păng lĕ; ƀiălah nau ngơi khân păng tăng jêh mâu geh nau khlay ma khân păng ôh, yorlah tâm nôk gŭ iăt nau nây, khân păng mâu dơn nau nây nđâp ma nau chroh.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Pêtrôs 1:25

Ƀiălah nau ngơi Kôranh Brah ăt hôm ƀaƀơ n'ho ro.” Nau ngơi nĕ jêng Nau Mhe Mhan Ueh mbơh jêh ma khân may.

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

II Pêtrôs 3:2

gay nchih lĕ nau mbơh lor tă bơh phung nơm mbơh lor kloh ueh tâm ban đŏng lĕ nau vay Kôranh Brah jêh ri Nơm Tâm Rklaih he tă bơh phung kôranh oh mon nkoch tay.

I Yôhan 3:3

Mbu nơm geh nau kâp gân aơ tâm Păng, ăn bunuyh nây djôt prăp nau kloh ma păng nơm, nâm bu Păng jêng kloh.