I Têsalônik 1:8 - Nau Brah Ndu Ngơi 2023

⁸ Yorlah nau chroh Kôranh Brah tă bơh khân may hŏ lư ngăn, mâu di knŏng n'gor Masêđôn jêh ri Akai dơm ôh, ƀiălah nau khân may chroh tâm Brah Ndu hŏ tăng lư lam ntŭk, kŏ tât hên mâu hôm ŭch gay ngơi ntop đŏng ôh.

Bunong Bible Latin Script Cambodian dialect

⁸ Yorlah nau Kôranh Brah i lôh tă bơh khân ay may nơh, mâu ôh dơn ma bu lư ta bri Masêđôn, ndrel ma ta bri Akhây dơm, lam ntŭk ngăn bu lư khân ay may nsing ma Kôranh Brah. Lah ndri nau nsing khân ay may nây, hên mâu hôm ôh khăch mbơh nkoch.

Bunong

⁸ យ៝រ​លាស​នាវ​កោរាញ​ឞ្រាស​អី​លោស​តាៈ​ឞើស​ខាន់​អៃ​មៃ​នើស មោ​អោស​ទើន​មា​ឞូ​លឺ​តា​ឞ្រី​មាឆេដោន  នទ្រែល​មា​តា​ឞ្រី​អាខៃ  ​ទើម លាម​នតុក​ងាន់​ឞូ​លឺ​ខាន់​អៃ​មៃ​ញឆីង​មា​កោរាញ​ឞ្រាស។ លាស​នទ្រី​នាវ​ញឆីង​ខាន់​អៃ​មៃ​នៃ ហេន​មោ​ហោម​អោស​ខាច់​មឞើស​ងក៝ច។

I Têsalônik 1:8 ပူးပေါင်းရင်းမြစ်များ

Nau Ngluh Êjipt 18:9

Y-Jêtrô răm rhơn yor lĕ nau ueh Brah Yêhôva hŏ ƀư ma phung Israel nôk rklaih khân păng bơh ti phung Êjipt.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 66:19

Gâp mra dơm du nau mbên ta nklang khân păng, jêh ri Gâp mra njuăl phung hôm gŭ rêh klen khân păng hăn tât ma lĕ bri dak jêng Tarsis, Pul, Lut, jêng phung geh blau pănh na, tât ma phung Tubal jêh ri phung Javan, tât ma lĕ gôl dak mƀŭt gŭ ngai, jêng lĕ ntŭk phung ê hŏ mâp tăng lư ôh nau lư n'găr Gâp jêh ri ê hŏ mâp saơ ôh nau chrêk rmah Gâp. Khân păng mra mbơh nau chrêk rmah Gâp ta nklang lĕ bri dak.”

Kôranh Oh Mon 18:12

Ƀiălah dôl Y-Galiôn jêng kôranh toyh chiă uănh n'gor Akai, phung Yuđa du ai nau tâm rdâng đah Y-Pôl jêh ri njŭn leo păng ta ntŭk ngih phat dôih.

Samƀŭt Pôl Njuăl Ăn Ma Phung Nsing Ta Ƀon Rôm 1:8

Lor lơn, tâm Brah Yêsu Krist, gâp lah ueh ma Brah Ndu gâp yor ma lĕ rngôch khân ay may, ma nau chroh khân ay may lư n'găr lam neh ntu.

Samƀŭt Pôl Njuăl Ăn Ma Phung Nsing Ta Ƀon Rôm 15:26

yorlah phung Masêđôn jêh ri phung Akai riu prăk maak ma lĕ nuih n'hâm gay kơl ma phung o ach hâu ngăn tâm phung kloh ueh gŭ ta ƀon Yêrusalem.

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

I Kôrintô 14:36

Di lĕ nau Brah Ndu ngơi luh tă bơh ngih khân ay may, mâu lah knŏng văch tât êng ma phung khân ay may dơm?

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 3:4

Tă bơh Brah Krist, hên chroh n'hêl nanê̆ nâm nđĕ đah Brah Ndu.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

II Têsalônik 1:4

Hên tâm rnê êng yor khân may tâm lĕ Phung Ngih Brah Ndu, ma nau srôih jêh ri nau chroh khân may tâm lĕ nau ƀư mhĭk jêh ri nau rêh ni khân may dơn jêh.

II Têsalônik 3:1

Nglĕ dŭt, hơi phung oh nâu, mbơh sơm hom ma hên, gay ma nau ngơi Kôranh Brah mbơh nkoch gơnh ro jêh ri geh nau yơk nâm bu hŏ geh tâm khân may,

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

II Timôthê 2:9

Yor ma Nau Mhe Mhan Ueh nây gâp dơn nau rêh ni, kŏ tât nkông rse rvăk nâm bu bunuyh ƀư tih. Ƀiălah nau chroh Brah Ndu mâu geh rse rvăk ôh.

III Yôhan 1:12

Lĕ rngôch mbơh nkoch nau ueh Y-Dêmêtrius da dê, nđâp nau ngăn tâm ban lĕ. Hên mbơh nkoch đŏng ma păng, jêh ri may gĭt nau hên mbơh nkoch jêng nau di ngăn.

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.