I Têsalônik 1:1 - Nau Brah Ndu Ngơi 2023

¹ Y-Pôl, Y-Silvan jêh ri Y-Timôthê nchih njuăl ma Phung Ngih Brah Ndu ta ƀon Têsalônik, phung gŭ tâm Brah Ndu, jêng Mbơ̆, jêh ri tâm Kôranh Brah jêng Brah Yêsu Krist. Dăn nau yô̆ jêh ri nau đăp mpăn ăn ma khân may!

Bunong Bible Latin Script Cambodian dialect

¹ Samƀŭt gâp Pôl nchih. Gâp, Silas, ndrel ma Timôthê, pe nuyh hên njuăl ăn ma phung nsing ma Kôranh Yêsu Krist ta ƀon Têsalônik, i gŭ ndrel Kôranh Brah Bơ̆ bân nơm, ndrel Kôranh Yêsu Krist. Dăn Păng ăn nau ueh, ndrel ma nau đăp mpăn ma khân ay may.

Bunong

¹ ឆ៝ម់បុត​គ៝ប់​ពោល  ​ញចីស។ គ៝ប់ ឆីលាស  នទ្រែល​មា​តីមោថេ  ពែ​នុយ្ស​ហេន​ញជ្វាល់​អ៝ន់​មា​ផូង​ញឆីង​មា​កោរាញ​យេឆូ​ក្រីស  ​តា​ប៝ន​តេឆាលោនិក  អី​គុ​នទ្រែល​កោរាញ​ឞ្រាស​ឞឹ​ឞ៝ន់​នើម នទ្រែល​កោរាញ​យេឆូ​ក្រីស  ។ ទាន់​ពាង់​អ៝ន់​នាវ​អ្វែស នទ្រែល​មា​នាវ​ដាប់​មពាន់​មា​ខាន់​អៃ​មៃ។

I Têsalônik 1:1 ပူးပေါင်းရင်းမြစ်များ

Kôranh Oh Mon 15:22

Pakơi nây, phung kôranh oh mon jêh ri phung bu ranh ndrel ma lĕ rngôch Phung Ngih Brah Ndu ŭch săch phung bunuyh tâm phung khân păng jêh ri njuăl hăn ndrel ma Y-Pôl jêh ri Y-Ƀarnaƀas ta ƀon Antiôs. Khân păng njuăl Y-Yuđas, trơn amoh Y-Barsabas, jêh ri Y-Silas, jêng bar hê kôranh chiă uănh tâm phung oh nâu,

Kôranh Oh Mon 15:27

Pônây, hên njuăl jêh Y-Yuđas jêh ri Y-Silas văch ngơi đah khân may ma lĕ nau hên hŏ nchih tâm samƀŭt.

Kôranh Oh Mon 15:40

Bi Y-Pôl hăn trong, jêh săch Y-Silas, jêh ri phung oh nâu jao păng ma nau yô̆ Kôranh Brah.

Kôranh Oh Mon 16:19

Ƀiălah dôl phung kôranh bu ur nây saơ mâu hôm geh nau joi âk prăk đŏng ôh, nhŭp Y-Pôl ndrel ma Y-Silas, têk khân păng tât ta nkual toyh jao ma phung kôranh chiă uănh.

Kôranh Oh Mon 16:25

Klăp lah n'gul măng, Y-Pôl jêh ri Y-Silas mbơh sơm jêh ri mprơ tâm rnê ma Brah Ndu; phung bu nă gŭ iăt.

Kôranh Oh Mon 16:29

Kôranh ndrung đă bu sŏk ŭnh kađen jêh ri nchuăt ngăch lăp tâm ndrung, râm nsâr chon mon ta jâng Y-Pôl jêh ri Y-Silas.

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Kôranh Oh Mon 18:5

Tơlah Y-Silas jêh ri Y-Timôthê văch tă bơh n'gor Masêđôn, Y-Pôl knŏng mĭn ma kan nti lah, mpơl ma phung Yuđa ma nau Brah Yêsu jêng Brah Krist.

Kôranh Oh Mon 19:22

Păng njuăl bar hê nơm kâp kơl păng, Y-Timôthê jêh ri Y-Êrastus, hăn ta n'gor Masêđôn; bi păng nơm gŭ tay ta n'gor Asi ƀât lât đŏng.

Kôranh Oh Mon 20:4

Hăn ndrel ma păng geh Y-Sôpatê, kon Y-Piru, ƀon Bêrê; Y-Aristarkus, Y-Sêkundus ƀon Têsalônik; Y-Gaius ƀon Đerbơ; Y-Tikikus jêh ri Y-Trôphim n'gor Asi jêh ri Y-Timôthê.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

II Kôrintô 1:1

Y-Pôl, yor tă bơh nau mĭn Brah Ndu ŭch dĭng dơi jêng kôranh oh mon Brah Yêsu Krist, jêh ri Y-Timôthê, oh nâu he, nchih samƀŭt njuăl ma Phung Ngih Brah Ndu ta ƀon Kôrintô, ndrel ma lĕ rngôch phung kloh ueh gŭ tâm n'gor Akai.

II Kôrintô 1:19

Yorlah Brah Yêsu Krist, Kon Brah Ndu, hên jêng Y-Silvan, jêh ri Y-Timôthê hŏ mbơh nkoch ta Păng nklang khân may, mâu ôh geh tơ̆ lah “Ơ” geh tơ̆ lah “Mâu” ôh, ƀiălah tâm Păng “Ơ” mro.

Galati 1:2

ndrel ma lĕ rngôch phung oh nâu dôl gŭ ndrel gâp, njuăl ma Phung Ngih Brah Ndu ta n'gor Galati.

Galati 1:22

Rnôk nây, lĕ Phung Ngih Brah Ndu Brah Krist tâm n'gor Yuđa ê hŏ gĭt năl muh măt gâp ôh.

Êphêsô 1:2

Dăn nau yô̆ jêh ri nau đăp mpăn tă bơh Brah Ndu, Mbơ̆ he, jêh ri tă bơh Kôranh Brah jêng Brah Yêsu Krist ăn ma khân may.

Philip 1:1

Y-Pôl jêh ri Y-Timôthê, oh mon Brah Yêsu Krist, nchih njuăl ma lĕ rngôch phung kloh ueh tâm Brah Yêsu Krist ta ƀon Philip ndrel ma phung kôranh chiă uănh jêh ri ma phung bunuyh kơl kan.

Kôlôh 1:1

Y-Pôl, jêng du huê kôranh oh mon Yêsu Krist tĭng nâm nau mĭn ŭch Brah Ndu, ndrel ma Y-Timôthê jêng oh nâu,

II Têsalônik 1:1

Y-Pôl, Y-Silvan jêh ri Y-Timôthê nchih samƀŭt njuăl ma Phung Ngih Brah Ndu ta ƀon Têsalônik gŭ tâm Kôranh Brah jêng Brah Yêsu Krist:

I Timôthê 1:2

nchih njuăl ma Y-Timôthê, kon gâp ngăn tâm nau chroh: Dăn Brah Ndu, Mbơ̆ he, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

II Timôthê 1:2

nchih njuăl samƀŭt ma Y-Timôthê, kon gâp rŏng hâu ngăn ngên: Mbơh sơm dăn Brah Ndu, jêng Mbơ̆, jêh ri Brah Yêsu Krist, Kôranh Brah he, ăn nau yô̆, nau yô̆ nđach jêh ri nau đăp mpăn ma may!

ហេឞ្រើ 13:23

Gâp ŭch ma khân may gĭt ma nâu he jêng Y-Timôthê, bu mƀơk dơi jêng kon me jêh. Tơlah păng văch gơnh, gâp mra hăn khâl khân may ndrel ma păng.

I Pêtrôs 5:12

Gâp đă Y-Silvan, nơm gâp uănh nâm bu oh nâu răp jăp ngăn, nchih bar pe rplay gay n'hao nuih n'hâm jêh ri mbơh nkoch ma khân may gĭt, aơ jêng nau yô̆ ngăn bơh Brah Ndu. Gŭ nâp hom tâm nau yô̆ nây.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.