I Samuel 9:21 - Nau Brah Ndu Ngơi 2023

²¹ Y-Sôl lah: “Mâu di hĕ, gâp knŏng jêng du huê phung Benjamin, jêng du ndŭl mpôl jê̆ lơn tâm phung ndŭl mpôl Israel? Ndŭl mpôl gâp jê̆ lê̆ lơn ma lĕ rngôch ndŭl tâm noi deh Benjamin. Pônây, Mâm ƀư may ngơi nau pônây ma gâp?”

I Samuel 9:21 ပူးပေါင်းရင်းမြစ်များ

Nau Mprơ Ơm 68:27

Ri ndŭl mpôl Benjamin jê̆ lơn, hăn panăp, Tĭng pakơi jêng phung kon chiă uănh Yuđa jêh ri ndŭl mpôl khân păng; Rĭ mơ tât phung chiă uănh Sabulôn jêh ri phung chiă uănh Naptali.

Nau Mprơ Ơm 68:28

Brah Ndu ah, ăn n'hâm toyh suan dăng May; Ơ Brah Ndu, dăn mpơl nau brah May, nâm bu May hŏ ƀư jêh ma hên.

Ndrom Samƀŭt bơh Ôsê 13:1

Ăp tơ̆ Êphraim ngơi, bu râm nsâr; Păng n'hao dơi geh nau bu yơk tâm n'gor Israel. Ƀiălah yor tih jêh mbah brah Baal, Yor nây păng mra khĭt.

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.

I Samuel 14:51

Y-Kis, mbơ̆ Y-Sôl; bi Y-Ner, mbơ̆ Y-Apner, jêng kon Y-Abiêl.

I Samuel 15:17

Y-Samuel lah: “Nôk may saơ may nơm hôm jê̆, mâu hĕ may jêng kôranh ma phung mpôl băl Israel? Mâu di hĕ Brah Yêhôva tŏ dak ƀâu kah ăn may chiă uănh ma phung Israel?

I Samuel 18:18

Y-Đavit lah ma Y-Sôl: “Mbu gâp jêng? Mbu băl mpôl gâp jêng? Mâm ngih mbơ̆ gâp tâm phung Israel kŏ tât gâp jêng klay ma hađăch?”

I Samuel 18:23

Phung oh mon Y-Sôl ngơi đŏng lĕ nau nây ma Y-Đavit. Ƀiălah Y-Đavit lah: “Khân may mĭn jêng jê̆ lê̆ jêng klay ma hađăch? Gâp jêng du huê o ach jêh ri mâu geh nau lư n'găr ôh.”

I Samuel 9:22

Y-Samuel leo Y-Sôl jêh ri oh mon păng ăn khân păng lăp tâm jrô, ăn ma khân păng gŭ panăp tâm phung bu năch bu jă jêh, klăp lah pe jât nuyh.