I Samuel 26:21 - Nau Brah Ndu Ngơi 2023

²¹ Rnôk nây, Y-Sôl ngơi: “Gâp geh nau tih! Hơi Y-Đavit, kon gâp, plơ̆ sĭt hom! Gâp mâu mra ƀư mhĭk ma may đŏng ôh, yorlah nar aơ may hŏ uănh yơk nau rêh gâp. Ngăn yơh, gâp hŏ ƀư jêh nau brŭt moih, hŏ ƀư tih toyh ngăn.”

I Samuel 26:21 ပူးပေါင်းရင်းမြစ်များ

II Phung Hađăch 1:13

Hađăch prơh đŏng du huê kôranh ma prăm jât nuyh tahan rơh pe djôt leo prăm jât bunuyh tahan păng hăn. Kôranh aơ hăn hao, jêh ri tơlah văch ta ntŭk, chon kômâk panăp Y-Êli, vơh vơl: “Hơi bunuyh Brah Ndu, gâp dăn ma may uănh khlay nau rêh gâp jêh ri nau rêh prăm jât bunuyh aơ, jêng phung oh mon may.

II Phung Hađăch 1:14

Aơ, ŭnh tă bơh trôk hŏ su jêh bar hê phung kôranh lor ndrel ma phung prăm jât bunuyh tahan khân păng. Ƀiălah aƀaơ ri, dăn ma may uănh khlay nau rêh gâp.”

Nau Mprơ Ơm 116:15

Nau khĭt phung kloh ueh Jêng khlay ngăn tanăp măt Brah Yêhôva.

Nau Mprơ Ơm 49:8

Gay ma bunuyh nây geh nau rêh mro mrăng Mâu mra saơ nau rai lôch.

Nau Mprơ Ơm 72:14

Păng mra rklaih tâm nau rêh khân păng bơh nau tŭn jot jêh ri nau ƀai; Mham khân păng jêng khlay tâm dâng măt păng.

Nau Ngluh Êjipt 9:27

Pharaôn kuăl Y-Môis jêh ri Y-Arôn hăn văch jêh ri lah: “Tal aơ gâp hŏ ƀư tih jêh. Brah Yêhôva jêng sŏng srăng, bi gâp jêh ri phung ƀon lan gâp jêng tih da dê.

Nau Kơp Bunuyh 22:34

Y-Balaam lah ma tông mpăr Brah Yêhôva: “Gâp hŏ ƀư tih jêh yorlah gâp mâu gĭt ôh May hŏ dâk jêh tâm trong gay ŭch nking gâp. Aƀaơ, tơlah May mâu di nuih gay gâp hăn, gâp mra plơ̆ sĭt ro yơh.”

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 15:24

Y-Sôl plơ̆ lah ma Y-Samuel: “Gâp lĕ ƀư tih jêh, yorlah gâp ƀư tih jêh nau vay Brah Yêhôva ntăm jêh ri nau may ngơi. Yorlah Gâp klach ma phung ƀon lan jêh ri iăt tĭng nau khân păng.

I Samuel 15:30

Y-Sôl lah: “Gâp lĕ ƀư tih jêh, ƀiălah yơk hom ma gâp tanăp phung kôranh bu ranh phung ƀon lan gâp, jêh ri tanăp lĕ rngôch bunuyh ƀon lan Israel. Dăn may plơ̆ văch hom ndrel ma gâp, gay ăn gâp dơi yơk mbah ma Yêhôva Brah Ndu may.”

I Samuel 18:30

Rnôk nây, phung kôranh Philistin du luh ŭch tâm lơh, jêh ri ăp tơ̆ khân păng luh du, Y-Đavit geh nau dơi lơn ma lĕ rngôch phung oh mon Y-Sôl, pônây ƀư ăn amoh păng lư n'găr hâu ngăn.

I Samuel 24:17

Tơlah Y-Đavit ngơi nau nây lĕ lôch jêh, Y-Sôl lah: “Hơi Y-Đavit, kon gâp, di lĕ bâr may?” Y-Sôl nter nhĭm.

I Samuel 26:22

Y-Đavit ơh: “Aơ jêng tak hađăch, ăn du huê oh mon hađăch hăn văch ta aơ sŏk păng.

I Samuel 26:24

Nar aơ, gâp hŏ uănh nau rêh hađăch jêng khlay, pôri Brah Yêhôva tâm ban đŏng mra uănh nau rêh gâp jêng khlay, jêh ri tâm rklaih gâp tă bơh lĕ rngôch nau rêh ni.”

I Samuel 27:4

Tơlah Y-Sôl gĭt jêh nau Y-Đavit hăn du jêh ma Gat, pôri mâu hôm ôh tĭng joi păng.