I Samuel 25:37 - Nau Brah Ndu Ngơi 2023

³⁷ Ang ôi taơ, tơlah Y-Nabal lĕ kah rngăl aih nhŭl ndrănh, ur păng nkoch bri lĕ nau nây ƀư ăn ma play nuih Y-Nabal mâu hôm mpât ôh, păng jêng dăng nâm bu lŭ.

I Samuel 25:37 ပူးပေါင်းရင်းမြစ်များ

Nau Vay Nkah Tay 28:28

Păng ƀư đŏng ma khân may geh nau brŭt ndrăng, nau chieh măt jêh ri nau mĭn tâm lŭk rlăk.

I Samuel 25:22

Ăn Brah Ndu nkra nơm tâm rdâng ma Y-Đavit! Ntơm bơh aƀaơ tât ôi taơ, gâp mâu mra ăn du huê bu klâu tâm phung Y-Nabal hôm rêh.”

I Samuel 25:34

Ƀiălah nanê̆ nâm bu Yêhôva Brah Ndu phung Israel jêng Nơm gŭ rêh mro mrăng, Nơm hŏ nkân gâp ƀư nau mhĭk ma ay, tơlah ay mâu gơnh văch tâm mâp ôh đah gâp, nanê̆ gâp mâu mra ăn du huê bu klâu tâm phung Y-Nabal hôm e rêh tât ta ôi taơ.”

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.

I Samuel 25:38

Klăp lah jât nar jêh nây, Brah Yêhôva dong Y-Nabal, jêh ri păng khĭt.