I Samuel 25:36 - Nau Brah Ndu Ngơi 2023

³⁶ H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.

I Samuel 25:36 ပူးပေါင်းရင်းမြစ်များ

II Samuel 13:23

Bar năm jêh nây, dôl Y-Apsalôm nkhôm bunuyh kreh rsau biăp păng ta ƀon Baal-Hasôr dăch n'gor Êphraim, păng jă lĕ rngôch phung kon bu klâu hađăch.

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

II Samuel 3:20

Y-Apner hăn tât tâm mâp đah Y-Đavit ta Hêbron, djôt leo bar jât nuyh. Y-Đavit thai ndơ sông sa ma Y-Apner jêh ri ma phung bunuyh ndrel ma păng.

I Phung Hađăch 20:16

Nklang bôk nar, nôk nây Y-Ben-Hadat gŭ nhêt ndrănh jêh ri nhŭl tâm trôm ndưp rmlak păng nơm ndrel ma pe jât ma bar phung hađăch mpeh băl păng, phung Israel leo phung tahan hăn luh.

Nau Mprơ Ơm 112:5

Ueh maak yơh ma nơm geh nuih n'hâm lŏng, ăn bu chan Jêh ri ƀĭt gai lĕ nau kan tâm nau sŏng.

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nơm Nti 10:19

Nkra nhêt sa gay rvăt nau maak, Ndrănh ƀư ăn nau rêh răm maak, Jêh ri prăk rêl dơi tŏng nau ŭch.

Êsai 28:3

Đon hađăch sưr phung vay nhŭl ndrănh ta bri Êphraim. Mra jot rchiăt tâm jâng

Êsai 5:11

Rêh ni ngăn ma phung kah rngăl ơm Gay tĭng joi ndrănh, Gŭ nhêt kŏ tât măng Gay ndrănh pâr su khân păng!

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Ndrom Samƀŭt bơh Ôsê 4:11

Nau văng tĭr, ndrănh ơm jêh ri ndrănh mhe Ƀư ma khân păng roh lĕ nau gĭt rbăng.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Luka 14:12

Păng lah lĕ ma nơm jă Păng sông sa: “Tơlah may nkra nau sông sa n'gul nar mâu lah nau sông sa kêng măng, lơi jă ôh phung mĭt jiăng, nâu oh, ndŭl mpôl mâu lah bunuyh chiau meng ndrŏng, klach lah khân păng mra jă tay jêh ri mplơ̆ nau yô̆ ma may.

Luka 21:34

Pôri, njrăng hom! Klach lah yorlah nau sông sa rlau keh ir, nhŭl ndrănh jêh ri nau rvê nau rêh aơ ƀư ma nuih n'hâm khân may pâl maak, jêh ri Nar nây tât ƀât lât tâm ban ma dăk rlâm klơ khân may,

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

I Samuel 25:19

Jêh nây păng lah ma phung oh mon: “Hăn hom lor, gâp mra tĭng groi khân may.” Ƀiălah păng mâu lah du nau ôh ma Y-Nabal, sai păng.

I Samuel 25:37

Ang ôi taơ, tơlah Y-Nabal lĕ kah rngăl aih nhŭl ndrănh, ur păng nkoch bri lĕ nau nây ƀư ăn ma play nuih Y-Nabal mâu hôm mpât ôh, păng jêng dăng nâm bu lŭ.