I Samuel 25:29 - Nau Brah Ndu Ngơi 2023

²⁹ Tơlah geh nơm ŭch tĭng nhŭp may jêh ri joi nau ngroh lơi nau rêh kôranh, pôri Yêhôva Brah Ndu may mra nkŭm nau rêh kôranh; bi nau rêh phung rlăng may Brah Yêhôva mra klŭp mƀăr ngai nâm bu klŭp lŭ tă bơh ntâu rvĭt.

I Samuel 25:29 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

II Samuel 4:8

Khân păng djôt leo bôk Y-Isbôset rlet ma Hêbron, nhhơr ma hađăch Đavit, jêh ri mbơh ma hađăch: “Aơ jêng bôk Y-Isbôset, kon Y-Sôl, phung rlăng đah hađăch, nơm ŭch ƀư mhĭk nau rêh hađăch. Nar aơ, Brah Yêhôva lĕ plơng har jêh Y-Sôl jêh ri noi deh păng ăn ma hađăch, jêng kôranh hên.”

Ndrom Samƀŭt bơh Yôp 27:22

Chiông sial rpuh tât nau mhĭk toyh ta klơ păng mâu geh nau yô̆ nđach; Păng nsrôih nchuăt du bơh nau tât.

Nau Mprơ Ơm 116:15

Nau khĭt phung kloh ueh Jêng khlay ngăn tanăp măt Brah Yêhôva.

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 66:9

Păng yơh mât mơh njrăng nau rêh he, Mâu ăn jâng he mbĭr prah.

Yêrêmi 10:18

Yorlah Brah Yêhôva lah pô aơ: “Ri, tơ̆ aơ Gâp mra mƀăr lơi bunuyh ƀon lan tâm neh aơ hăn ngai, Gâp mra ăn khân păng rêh ni, Gay khân păng kah gĭt.”

Malachi 3:17

Brah Yêhôva ma phung tahan lah: “Khân păng mra jêng ndơ Gâp, ƀư drăp ndơn êng ma Gâp tâm nar Gâp pah kan. Gâp mra yô̆ nđach ma khân păng nâm bu du huê mbơ̆ yô̆ nđach ma kon bu klâu păng pah kan ma păng.

Yôhan 14:19

Hôm ƀât lât, neh ntu mâu hôm saơ Gâp ôh, ƀiălah khân may mra saơ Gâp. Yorlah Gâp rêh, khân may mra gŭ rêh tâm ban lĕ.

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.