I Samuel 25:28 - Nau Brah Ndu Ngơi 2023

²⁸ Dăn yô̆ an nau tih ma oh mon bu ur kôranh! N'hêl nanê̆ Brah Yêhôva mra njêng ma kôranh gâp geh du ngih nâp, yorlah kôranh gâp tâm lơh ăn ma Brah Yêhôva, jêh ri lôch nau rêh kôranh mâu mra geh du nau mhĭk tâm may ôh.

I Samuel 25:28 ပူးပေါင်းရင်းမြစ်များ

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

II Samuel 7:11

jêng nâm bu nôk Gâp njêng phung kôranh phat dôih chiă uănh phung ƀon lan Israel Gâp. Gâp hŏ rklaih may tă bơh lĕ rngôch phung rlăng jêh ri ăn nau đăp mpăn ma may. Rlau lơn ma nây, Brah Yêhôva lah pô aơ Păng mra ndâk ma may du nau chiă uănh.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

II Samuel 7:27

Hơi Brah Yêhôva ma phung tahan, jêng Brah Ndu phung Israel, May nơm hŏ lah jêh nau ton aơ ma oh mon May pô aơ: ‘Gâp mra njêng du nau chiă uănh ma may.’ Yor nây, oh mon May dơi janh nhhơr nau mbơh sơm aơ ma May.

I Phung Hađăch 15:3

Păng hăn tĭng trong nau tih mbơ̆ păng hŏ hăn. Păng mâu lĕ nuih n'hâm ôh ma Yêhôva Brah Ndu păng nâm bu Y-Đavit, chô yau păng.

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 9:5

pôri Gâp mra ƀư ma sưng hađăch may dơi nâp ma phung Israel kŏ tât ƀaƀơ n'ho ro, di tĭng nâm Gâp ton jêh ma Y-Đavit, mbơ̆ may, pô aơ: ‘May mâu mra pưt ôh bunuyh chiă uănh thoi ntrok ta sưng hađăch phung Israel.’

I Nau Rêh Jêng 17:10

tâm ban nôk Gâp dơm jêh phung kôranh phat dôih chiă uănh phung ƀon lan Israel Gâp. Gâp mra ăn lĕ rngôch phung rlăng may plơ̆ lăp may. Gâp tâm ban đŏng mbơh ma may gĭt pô aơ Brah Yêhôva mra ndâk ma may du nau chiă uănh.

I Nau Rêh Jêng 17:25

Hơi Brah Ndu gâp! May tâm mpơl jêh ma oh mon May gĭt pô aơ, May mra njêng ma păng du nau chiă uănh. Yor ri, oh mon May geh nau janh mbơh sơm tanăp May.

II Nau Rêh Jêng 20:15

Păng lah: “Ơ lĕ rngôch phung Yuđa jêh ri phung gŭ tâm ƀon Yêrusalem, jêh ri hađăch Jôsaphat, iăt hom! Brah Yêhôva lah ma khân may kơt aơ: ‘Lơi ta klach ôh, lơi krit ôh tanăp phung tahan âk râk nây, yorlah nau tâm lơh aơ mâu jêng kan khân may ôh, ƀiălah jêng kan Brah Ndu.

Nau Mprơ Ơm 7:3

Ơ Brah Yêhôva Brah Ndu gâp, tơlah gâp hŏ ƀư jêh nau nây, Jêh ri mbŭk ti tâm nau kue;

Nau Mprơ Ơm 89:29

Gâp mra ƀư ăn noi deh păng hôm n'ho ro Jêh ri sưng hađăch păng mra hôm gŭ rêh nâm bu ăp nar tâm trôk.

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Luka 23:47

Saơ nau tât jêh, kôranh tahan tâm rnê Brah Ndu pô aơ: “Nanê̆ bunuyh aơ jêng bunuyh sŏng srăng!”

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.

I Samuel 17:47

jêh ri lĕ rngôch phung tâm rƀŭn aơ mra saơ Brah Yêhôva mâu tâm rklaih ma đao, mâu lah tak ôh. Yor Brah Yêhôva jêng Kôranh Brah nau tâm lơh, Păng mra jao khân may tâm ti hên.”

I Samuel 18:17

Y-Sôl lah ma Y-Đavit: “Aơ, kon bôk rah gâp jêng H'Mêrap. Gâp mra ăn ma păng jêng ur may, knŏng ăn may jêng janh ktang kơl ma gâp jêh ri tâm lơh yor Brah Yêhôva.” Y-Sôl mĭn êng: “Lơi ăn ti gâp ƀư mhĭk ma păng, ăn ti phung Philistin ƀư mhĭk ma păng.”

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.

I Samuel 22:14

Y-Ahimalek lah ma hađăch: “Tâm mpôl phung oh mon may, mbu nơm jêng răp jăp nâm bu Y-Đavit, nơm jêng klay ma hađăch, jêh ri kôranh chiă uănh ma phung tahan gak njrăng may, jêh ri nơm bu yơk lơn tâm ngih may?

I Samuel 24:11

Aơ, uănh hom! Măt may nơm lĕ saơ jêh nar aơ, tâm trôm lŭ, Brah Yêhôva hŏ jao jêh hađăch tâm ti gâp. Bu nsŭk gâp nkhĭt hađăch, ƀiălah gâp chalơi om hađăch, jêh ri lah: ‘Gâp mâu mra yơr ti ƀư mhĭk ma kôranh gâp ôh, yorlah hađăch jêng nơm Brah Yêhôva tŏ dak ƀâu kah jêh.’

I Samuel 24:17

Tơlah Y-Đavit ngơi nau nây lĕ lôch jêh, Y-Sôl lah: “Hơi Y-Đavit, kon gâp, di lĕ bâr may?” Y-Sôl nter nhĭm.

I Samuel 24:21

Aƀaơ, gâp gĭt ngăn may mra jêng hađăch, jêh ri ƀon bri hađăch Israel mra nâp jŏ tâm ti may.

I Samuel 24:4

Y-Sôl hăn văch dăch ndrung biăp êp trong. Ta nây geh du trôm lŭ, Y-Sôl lăp ta nây gay hăn puk ndŭl. Nôk nây, Y-Đavit jêh ri phung tĭng ndô̆ păng dôl gŭ tâm glĕ dŭt trôm.

I Samuel 25:24

Păng yơk mbah tâm dâng jâng Y-Đavit jêh ri lah: “Hơi kôranh, tih mpeh gâp, mpeh gâp! Dăn ăn ma oh mon bu ur may, ngơi tra năp may, dăn iăt nau oh mon bu ur may ngơi.

I Samuel 29:3

Rnôk nây, phung kôranh chiă uănh tahan Philistin lah: “Mbu phung Hêbrơ aơ gŭ ta aơ?” Y-Akis plơ̆ lah: “Nây jêng Y-Đavit, oh mon Y-Sôl, hađăch Israel, gŭ ndrel ma gâp hŏ jŏ nar jêh. Ntơm bơh nar păng văch tât ma ntŭk he n'ho tât ma aƀaơ, gâp mâu saơ ôh nau tih tâm păng.”

I Samuel 30:26

Tơlah Y-Đavit sĭt tât ma Siklak, păng njuăl du kô̆ ndô ndơ sŏk gro ma phung bu ranh phung Yuđa, jêng phung mĭt jiăng păng, jêh ri lah: “Aơ jêng ndơ nhhơr ma khân may, tă bơh ndô ndơ sŏk gro bơh phung rlăng Brah Yêhôva.”