I Samuel 25:26 - Nau Brah Ndu Ngơi 2023

²⁶ Aƀaơ, hơi kôranh gâp, Brah Yêhôva nkân jêh ti kôranh mâu ƀư nau nkhŭt mham, jêh ri sŏk ti may nơm plơng har. Nanê̆ nâm bu Brah Yêhôva gŭ rêh mro mrăng jêh ri kôranh ăt hôm rêh, ăn phung rlăng jêh ri phung ŭch ƀư mhĭk ma kôranh gâp mra nâm bu Y-Nabal!

I Samuel 25:26 ပူးပေါင်းရင်းမြစ်များ

Nau Ntơm 20:6

Brah Ndu lah ma hađăch tâm nau mbơi: “Gâp gĭt may ƀư nau nây ma nuih n'hâm sŏng. Yor nây, Gâp nơm yơh hŏ mâu ăn may ƀư tih đah Gâp, jêh ri mâu ăn ôh may pah păng.

II Samuel 18:32

Hađăch ôp ma Y-Kus: “Bu klâu ndăm Y-Apsalôm geh nau đăp mpăng đŏng?” Y-Kus plơ̆ lah: “Ăn phung rlăng đah hađăch jêng kôranh gâp, jêh ri lĕ rngôch phung dâk tâm rdâng gay ƀư mhĭk ma hađăch jêng nâm bu bu klâu ndăm nây lĕ!”

II Phung Hađăch 2:2

Y-Êli lah ma Y-Êlisê: “Gŭ hom ta aơ, yorlah Brah Yêhôva prơh gâp hăn tât ma Bêthel.” Ƀiălah Y-Êlisê lah: “Gâp sŏk amoh Brah Yêhôva gŭ rêh mro mrăng jêh ri sŏk amoh nau rêh may gay sơm ton, gâp mâu du tă bơh may ôh.” Pôri, khân păng hăn trŭnh ma Bêthel.

II Phung Hađăch 4:6

Tơlah lĕ rngôch yăng lĕ bêng dak ngi jêh, păng lah ma kon bu klâu păng: “Djôt ma gâp du yăng êng đŏng.” Ƀiălah păng plơ̆ lah: “Mâu hôm geh yăng êng ôh.” Dak ngi ôlive nây mâu hôm truh ôh.

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Hôr 31:12

Du bông nau rêh păng ƀư ăn sai păng dơi geh jêng, Mâu ôh ƀư nau mhĭk.

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

ហេឞ្រើ 10:30

Yorlah he gĭt năl jêh Nơm lah jêh: “nau plơng bôk jêng ndơ Gâp, Gâp mra plơng bôk.” Jêh ri lah đŏng: “Kôranh Brah mra phat dôih ƀon lan păng nơm.”

I Samuel 1:26

Păng lah: “Hơi kôranh gâp! Gâp sŏk nau rêh may gay ton pô aơ, gâp jêng bu ur nơm dâk jêh ta aơ, êp kêng may, gay mbơh sơm ma Brah Yêhôva.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.

I Samuel 20:16

Tâm ban pônây, Y-Jônathan ƀư nau tâm rnglăp đah ngih Y-Đavit pô aơ: “Brah Yêhôva mra plơng har ma phung rlăng Y-Đavit.”

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 22:3

Ntơm bơh ntŭk nây, Y-Đavit hăn tât Mispê, tâm n'gor Môap, păng lah ma hađăch n'gor Môap: “Dăn ăn mê̆ mbơ̆ gâp gŭ ndrel ma khân may kŏ tât gâp gĭt nau Brah Ndu mra ƀư ma gâp.”

I Samuel 25:25

Dăn kôranh lơi rkêng tôr tât ta bunuyh janh ƀai nây jêng Y-Nabal, yorlah amoh săk păng tâm di ma păng nơm, jêh ri tâm păng geh nau brŭt rluk. Bi gâp, jêng oh mon bu ur may, mâu tâm mâp đah phung bu klâu kôranh hŏ prơh hăn jêh.

I Samuel 25:39

Tơlah Y-Đavit gĭt ma Y-Nabal lĕ khĭt jêh, păng lah: “Tâm rnê ngăn ma Brah Yêhôva, yorlah Păng hŏ koh dŏng jêh gâp ma nau Y-Nabal ƀư bêk prêng ma gâp, jêh ri mât mray jêh oh mon Păng tă bơh nau ƀư mhĭk! Brah Yêhôva ƀư ăn jêh ma nau djơh mhĭk Y-Nabal nkhŭt tay klơ bôk păng nơm!” Jêh nau nây, Y-Đavit prơh bunuyh hăn ôp H'Abigêl gay ăn păng jêng ur păng.

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.