I Samuel 25:21 - Nau Brah Ndu Ngơi 2023

²¹ Y-Đavit hŏ lah: “N'hêl nê̆, hŏt gar yơh, gâp sâm chiăp dơm dam lĕ rngôch mpô mpa bu klâu nây tâm bri rdah, kŏ tât mâu roh yot du ntil ndơ. Ƀiălah păng sŏk nau mhĭk gay mplơ̆ sĭt ma nau yô̆.

I Samuel 25:21 ပူးပေါင်းရင်းမြစ်များ

Nau Ntơm 44:4

Khân păng du luh jêh tă bơh ƀon, ê hŏ ngai ôh, Y-Yôsep lah ma bunuyh mât ngih păng: “Dâk gơnh hom may tĭng phung nây; lah may ban jêh khân păng, ăn may lah: ‘Mâm ƀư khân may mplơ̆ nau mhĭk ma đah nau ueh?

Ndrom Samƀŭt bơh Yôp 30:8

Jêng kon bơh bunuyh rluk, sau bơh nơm mâu amoh săk, Bu mprơh lơi khân păng luh bơh n'gor.

Nau Mprơ Ơm 35:12

Khân păng sŏk nau djơh ntrok nau ueh; Huêng gâp gŭ êng, roh nau kâp gân.

Nau Mprơ Ơm 37:8

Ăn mƀăr hom nau ji nuih jêh ri chalơi nau nuih; Lơi ƀư rŭng may nơm ôh, yor nau nây knŏng ƀư nau kan mhĭk.

Nau Mprơ Ơm 38:20

Bi phung mplơ̆ nau mhĭk ntrok nau ueh gâp tâm rdâng đah gâp, Yorlah gâp ŭch hăn tĭng nau ueh.

Nau Hôr 17:13

Mbu nơm sŏk nau mhĭk mplơ̆ ma nau ueh, Nau mhĭk mâu mra du ôh bơh ngih păng.

Yêrêmi 18:20

Geh lĕ nơm sŏk nau mhĭk mplơ̆ ăn nau ueh? Ƀiălah khân păng kuyh jêh ntu ƀư rai lơi nau rêh gâp. Dăn May kah gĭt pô aơ gâp lĕ tă gŭ dâk tanăp măt May Gay dăn nau ueh ăn ma khân păng, Jêh ri dăn May mâu nkhŭt ôh nau ji nuih ta khân păng.

Samƀŭt Pôl Njuăl Ăn Ma Phung Nsing Ta Ƀon Rôm 12:21

Lơi ăn nau mhĭk dơi đah may, ƀiălah ăn nau ueh dơi đah nau mhĭk.

Êphêsô 4:26

Tơlah khân may duh nuih, lơi ƀư tih ôh; lơi ji nuih tât nar nhâp,

Êphêsô 4:31

Ngroh lơi hom bơh khân may lĕ nau khek, nuih n'hâm hăt janh, nau ji nuih, nau nter, nau suai rak, ndrel ma lĕ nau djơh mhĭk.

I Têsalônik 5:15

Njrăng hom, lơi sŏk nau mhĭk mplơ̆ nau mhĭk, ƀiălah joi nau ƀư ueh ƀaƀơ ndrăng khân may tâm ban ma lĕ rngôch bunuyh.

I Pêtrôs 3:17

Yorlah tơlah nây jêng nau mĭn Brah Ndu ŭch, pôri ueh lơn ƀư nau ueh jêh ri dơn nau rêh ni, đah ƀư nau mhĭk.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

I Samuel 25:13

Y-Đavit lah ma phung tĭng ndô̆ păng: “Ăn ăp nơm cheng đao păng!” Khân păng cheng đao păng nơm, Y-Đavit tâm ban đŏng cheng đao. Klăp lah tâm puăn rhiăng nuyh hăn hao tĭng Y-Đavit, hôm bar rhiăng nuyh gŭ ta aơ gay mât ndô ndơ.

I Samuel 25:15

Nanê̆, tâm năng nar hên gŭ êp phung nây tâm mir, khân păng ƀư ueh ngăn ma hên, mâu geh ƀư rkhŭk tât ôh ma hên, jêh ri mâu geh roh du ntil ndơ ôh.

I Samuel 25:20

Nôk păng ncho seh bri hăn trŭnh tĭng trong ndâp pakơi yôk, ta aơ, Y-Đavit jêh ri phung tahan păng dôl hăn trŭnh tât ma mpeh păng, jêh ri păng tâm mâp đah phung nây.

I Samuel 25:7

Aƀaơ, gâp gĭt may geh phung blau kreh rsau biăp. Dôl phung rmăk biăp may gŭ dăch hên, hên mâu mâp ƀư rkhŭk ma khân păng ôh; lĕ năng nar khân păng gŭ ta yôk Karmel, khân păng mâu geh roh du ntil ndơ ôh.