I Samuel 25:19 - Nau Brah Ndu Ngơi 2023

¹⁹ Jêh nây păng lah ma phung oh mon: “Hăn hom lor, gâp mra tĭng groi khân may.” Ƀiălah păng mâu lah du nau ôh ma Y-Nabal, sai păng.

I Samuel 25:19 ပူးပေါင်းရင်းမြစ်များ

Nau Ntơm 32:16

Jêh nây păng jao tâm ti phung kơl kan păng ăp phung êng êng jêh ri ntĭnh khân păng: “Hăn hom khân may hăn lor ma gâp jêh ri kah gĭt hăn tâm ƀah phung mpô mpa aơ đah phung mpô mpa ri.”

Nau Ntơm 32:19

Y-Yakôb ntĭnh đŏng ma phung tal bar, tal pe jêh ri lĕ rngôch ma phung tĭng mât mpô mpa nây pô aơ: “Ăn khân may ngơi kơt nây ma Y-Êsau, lah khân may tâm mâp đah păng,

Nau Ntơm 32:20

jêh ri lah: ‘Ri, oh mon may Y-Yakôb, hăn pakơi hên.’” Yorlah Y-Yakôb mĭn êng: “Gâp njuăl lĕ ndơ ăn nây hăn lor ma gâp gay ƀư ma Y-Êsau bah ji nuih, jêh nây dĭng mâp muh măt; klăp lah păng mra vơt dơn gâp ueh.”

Nau Ntơm 32:21

Pôri, ndơ njuăl ăn hăn lor, bi Y-Yakôb bê̆ch măng nĕ tâm ntŭk rmlak păng.

Nau Hôr 31:27

Păng mât uănh lĕ rngôch nau kan tâm ngih vâl, Mâu geh ôh nau ƀlao.

I Samuel 14:1

Du nar, Y-Jônathan, kon Y-Sôl, lah ma bu klâu ndăm tuy ndơ tâm lơh ma păng: “Kay lŏng, he hăn rgăn hom pôih tahan phung Philistin gŭ mpeh đah ri.” Ƀiălah păng mâu mbơh ôh ma mbơ̆ păng gĭt.

I Samuel 25:20

Nôk păng ncho seh bri hăn trŭnh tĭng trong ndâp pakơi yôk, ta aơ, Y-Đavit jêh ri phung tahan păng dôl hăn trŭnh tât ma mpeh păng, jêh ri păng tâm mâp đah phung nây.

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.