I Samuel 25:17 - Nau Brah Ndu Ngơi 2023

¹⁷ Pôri aƀaơ, ăn ay gĭt mra ƀư moh nau, yorlah bu lĕ dăp nal jêh mra nkhŭt nau mhĭk ma kôranh hên jêh ri ma lĕ ngih vâl păng. Kôranh janh ƀai ngăn, mâu iăt nau ngơi bu ôh.”

I Samuel 25:17 ပူးပေါင်းရင်းမြစ်များ

II Samuel 24:13

Y-Gat hăn văch ma Y-Đavit, mbơh ma hađăch lĕ nau nây jêh ri lah: “Moh nau hađăch săch: Mâu lah pơh năm nau sa sât ji ngot tâm bri may, mâu lah pe khay hađăch nchuăt du bơh tanăp phung rlăng tĭng may, mâu lah pe nar nau ji tưp ƀư mhĭk ngăn tâm bri may? Aƀaơ, dăn may gŭ mĭn jêh ri săch nau gâp mra plơ̆ sĭt lah đŏng ma Nơm prơh gâp hăn jêh.”

I Phung Hađăch 21:10

Dơm hom tanăp măt păng bar hê phung mhĭk gay khân păng phong păng pô aơ: ‘May hŏ rak rtăp Brah Ndu jêh ri hađăch,’ jêh nây djôt leo păng luh padih jêh ri klŭp lŭ nkhĭt păng.”

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

II Nau Rêh Jêng 13:7

Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Êsther 7:7

Hađăch hao ji nuih, dâk tă bơh sưng sông sa, hăn lăp tâm n'gar kao ngih hađăch. Bi Y-Haman, yorlah păng saơ jêh hađăch hŏ tâm nal jêh ƀư mhĭk ma păng, pôri păng gŭ gay vơl dăn hađăch bu ur H'Êsther gay rklaih nau rêh păng nơm.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Nau Vay Nkah Tay 13:13

geh lĕ bunuyh mbruh nklă luh bơh ta nklang khân may, têk phung bunuyh gŭ tâm ƀon toyh nây pô aơ: ‘Ăn he hăn jêh ri yơk mbah ma phung brah êng’, jêng lĕ brah khân may mâu hŏ gĭt năl ôh,

Phung Kôranh Phat Dôih 19:22

Nôk khân păng dôl răm maak ndrăng khân păng, geh phung bunuyh tâm ƀon toyh, jêng phung janh mhĭk, nchueng jŭm ngih nây, dong ta bôk mpông jêh ri lah ma bu klâu bu ranh, jêng kôranh vâl, pô aơ: “Leo hom bu klâu hŏ lăp tâm ngih may ăn păng văch ta aơ gay ma hên gĭt năl păng.”

I Samuel 10:27

Ƀiălah geh phung bunuyh mhĭk lah: “Mâm ƀư bunuyh aơ dơi tâm rklaih he?” Khân păng tâm rmot ma Y-Sôl, mâu djôt leo ndơ nhhơr ôh ma păng. Ƀiălah, Y-Sôl gŭ klêm.

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.

I Samuel 20:7

Tơlah păng plơ̆ lah: ‘Ueh jêh!’ pôri oh mon may mra dơi nau đăp mpăn. Bi tơlah păng ji nuih, gĭt hom pô aơ păng mĭn ŭch ƀư mhĭk ma gâp.

I Samuel 20:9

Y-Jônathan lah: “Dăn may lơi mĭn pônây ôh! Ƀiălah, tơlah gâp gĭt mbơ̆ gâp ŭch ƀư mhĭk ma may, mâm ƀư gâp mâu ăn ma may gĭt?”

I Samuel 25:16

Tâm nôk hên gŭ ndrel ma phung nây, chiăp mât njrăng phung biăp hên, nar jêh ri măng khân păng jêng nâm bu pêr jŭm hên.

I Samuel 25:18

H'Abigêl ndal sŏk bar rhiăng glo piăng let, bar nông ntâu ndrănh krăk ƀâu, prăm mlâm biăp kon nkuăng ƀư puăch jêh, klăp lah jât ma pơh kilô găr vâr, du rhiăng piăng let krăk ƀâu kro, jêh ri bar rhiăng glo ƀănh play rvi kro, n'gân klơ ndŭr kơi seh bri.

I Samuel 25:25

Dăn kôranh lơi rkêng tôr tât ta bunuyh janh ƀai nây jêng Y-Nabal, yorlah amoh săk păng tâm di ma păng nơm, jêh ri tâm păng geh nau brŭt rluk. Bi gâp, jêng oh mon bu ur may, mâu tâm mâp đah phung bu klâu kôranh hŏ prơh hăn jêh.