I Samuel 22:23 - Nau Brah Ndu Ngơi 2023

²³ Gŭ hom ndrel ma gâp, lơi klach ôh! Yorlah mbu joi nau ƀư mhĭk ma nau rêh may jêng joi nau ƀư mhĭk đŏng ma nau rêh gâp. Gŭ ndrel ma gâp, may mra dơi geh nau đăp mpăn.”

I Samuel 22:23 ပူးပေါင်းရင်းမြစ်များ

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

I Phung Hađăch 1:7

Y-Adônija tâm nchră đah Y-Jôap, kon H'Sêruya jêh ri ndrel ma kôranh ƀư brah Y-Abiathar; jêh ri khân păng ŭch tĭng mpeh Y-Adônija jêh ri kơl păng.

I Phung Hađăch 2:26

Jêh nau nây, hađăch ntăm ma kôranh ƀư brah Y-Abiathar: “Hăn sĭt hom ma tâm mir may ta Anathôt, yorlah may khư khĭt. Ƀiălah nar aơ gâp mâu nkhĭt ôh may, yorlah may tung Hip Nau Tâm Rnglăp Kôranh Brah jêng Brah Yêhôva, tanăp măt Y-Đavit, mbơ̆ gâp, jêh ri yor may lĕ tâm pă jêh lĕ rngôch nau rêh ni nđâp ma mbơ̆ gâp.”

Mathay 24:9

Rnôk nây, bu mra jao khân may, ƀư ma khân may geh nau rêh ni jêh ri nkhĭt lơi khân may; lĕ rngôch bunuyh mra tâm rmot ma khân may yor amoh Gâp.

Yôhan 15:20

Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.

Yôhan 17:12

Tâm nôk Kon hôm gŭ ndrel ma khân păng, Kon mât uănh khân păng tâm amoh Mbơ̆, jêng amoh Mbơ̆ hŏ ăn ma Kon. Kon hŏ king n'gang ma khân păng, mâu geh du huê bunuyh roh ôh, knŏng êng du huê kon ma nau rai roh, gay ma nau hŏ nchih jêh tâm Nau Brah Ndu Ngơi dơi tât di ngăn.

Yôhan 18:9

Nau nây tât di ngăn nau Păng hŏ lah jêh: “Kon mâu ƀư roh du huê ôh tâm phung bunuyh Mbơ̆ ăn jêh ma Kon.”

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”