I Samuel 22:13 - Nau Brah Ndu Ngơi 2023

¹³ Y-Sôl lah tay: “Mâm ƀư may du ai tâm chră jêh ndrel ma kon Y-Yêsê ŭch tâm rdâng đah gâp? May geh ăn piăng let ma păng jêh ri njŭn ma păng du n'gâr đao, jêh ri ôp jêh ma Brah Ndu yor păng, gay ma păng tâm rdâng đah gâp, mĭn ŭch ƀư mhĭk ma gâp, nâm bu păng hŏ ƀư jêh nar aơ?”

I Samuel 22:13 ပူးပေါင်းရင်းမြစ်များ

Nau Mprơ Ơm 119:69

Phung sưr sŏk nau ngơi mƀruh ƀư lư mhĭk ma gâp, Ƀiălah gâp mra djôt prăp nau May ntăm ma lĕ nuih n'hâm.

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

I Samuel 22:12

Y-Sôl lah: “Hơi kon bu klâu Y-Ahitup, gŭ iăt hom!” Y-Ahimalek plơ̆ lah: “Hơi kôranh gâp, gâp ta aơ.”

I Samuel 22:8

Pônây, mâm dĭng lĕ rngôch khân may geh nau ndơm tâm rdâng đah gâp, jêh ri mâm dĭng mâu ăn gâp gĭt ma kon bu klâu gâp hŏ ƀư tâm rnglăp đah kon bu klâu Y-Yêsê? Mâm dĭng mâu yô̆ nđach ma gâp, ăn gâp gĭt lor ma kon bu klâu gâp nsŭk nsôr jêh oh mon gâp tâm rdâng đah gâp, tâm chră ŭch ƀư mhĭk ma gâp, nâm bu păng hŏ ƀư nar aơ?”