I Samuel 18:16 - Nau Brah Ndu Ngơi 2023

¹⁶ Ƀiălah lĕ rngôch phung Israel jêh ri phung Yuđa rŏng ma Y-Đavit yorlah păng njŭn leo khân păng luh lăp tă bơh ntŭk tâm lơh.

I Samuel 18:16 ပူးပေါင်းရင်းမြစ်များ

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

I Phung Hađăch 3:7

Aƀaơ aơ, hơi Brah Yêhôva jêng Brah Ndu gâp, Kôranh Brah nơm hŏ ƀư ăn ma oh mon May gŭ ta sưng hađăch chiă uănh thoi ntrok Y-Đavit, mbơ̆ gâp, nđâp lah gâp jêng knŏng du huê kon se jê̆ mâu gĭt ôh mâm nau mât uănh bri dak.

Êsther 10:3

Y-Môrdêkai, phung Yuđa, ƀư kôranh toyh mrô nguay tâm dâng hađăch Asuêrus, jêh ri păng jêng toyh ta nklang phung Yuđa, jêh ri phung âk tâm phung oh nâu păng rŏng ma păng, yorlah păng joi nau ueh ma phung ƀon lan păng jêh ri ngơi nau đăp mpăn ma lĕ rngôch phung ƀon lan păng.

Nau Kơp Bunuyh 27:17

gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Luka 19:48

ƀiălah khân păng mâu gĭt mâm mra ƀư, yorlah lĕ rngôch phung ƀon lan ŭch iăt nau Păng ngơi da dê.

Luka 20:19

Tâm mông nây, phung kôranh ƀư brah toyh jêh ri phung kôranh nchih samƀŭt joi nau gay nhŭp Păng, yorlah gĭt Brah Yêsu ngơi nau hôr nây ŭch ntĭm ma khân păng yơh, ƀiălah khân păng klach phung ƀon lan.

I Samuel 18:13

Y-Sôl ăn Y-Đavit gŭ ngai đah păng, njêng păng kôranh chiă uănh toyh du rbăn tahan. Y-Đavit njŭn leo phung tahan luh lăp tă bơh ntŭk tâm lơh.

I Samuel 18:15

Tơlah saơ Y-Đavit geh nau dơi kơt nĕ, Y-Sôl klach ma păng.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.