I Samuel 17:50 - Nau Brah Ndu Ngơi 2023

⁵⁰ Pônây, Y-Đavit dơi đah bu klâu Philistin ma du găr lŭ klŭp ma na rvĭt, nkhĭt păng mâu ŭch djôt đao tâm ti.

I Samuel 17:50 ပူးပေါင်းရင်းမြစ်များ

Phung Kôranh Phat Dôih 15:15

Păng saơ du mlâm nting kang seh bri mhe khĭt, păng yơr ti kuăn sŏk ndơ nây jêh ri dong nkhĭt du rbăn nuyh phung Philistin.

Phung Kôranh Phat Dôih 3:31

Pakơi Y-Êhut, geh Y-Samgar, kon bu klâu Y-Anat. Păng sŏk du mlâm mâng ntrŭt ndrôk dong nkhĭt prao rhiăng nuyh phung Philistin. Pôri păng ăt jêng nơm rklaih Phung ƀon lan Israel.

I Samuel 13:22

Yor nây tâm nar bu tâm lơh, lĕ rngôch phung hăn tĭng Y-Sôl jêh ri Y-Jônathan mâu geh ôh đao mâu lĕ geh tak djôt ta ti; knŏng ma Y-Sôl jêh ri kon bu klâu păng jêng Y-Jônathan dơm geh.

I Samuel 17:39

Y-Đavit cheng đao Y-Sôl padih ao tâm lơh jêh ri rlong hăn yorlah păng mâu mơng bên ôh ma ndơ nây. Păng lah ma Y-Sôl: “Gâp mâu dơi hăn ôh tơlah anh ndơ tâm lơh nây, yorlah gâp mâu mơng bên ôh ndơ aơ.” Jêh nây Y-Đavit doh lơi lĕ ndơ nây.

I Samuel 17:49

Y-Đavit sŭk tâm dŭng păng sŏk du găr lŭ, jêh nây dŏng na rvĭt đah rse klŭp di ta ndăr kleng bu klâu Philistin. Găr lŭ lăp tâm trôm ndăr kleng păng, ƀư ma Y-Gôliat cha lôt nkŭp muh măt ta neh.

I Samuel 17:51

Y-Đavit nchuăt tât ta săk jăn bu klâu Philistin, sŏk đao păng, tŏk luh bơh ndrop nkhĭt păng nơm, jêh nây sŏk đao koh bôk păng. Phung Philistin saơ kôranh janh ktang khân păng lĕ khĭt jêh, khân păng nchuăt du.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”

I Samuel 21:9

Kôranh ƀư brah lah: “Aơ geh đao Y-Gôliat, bu klâu Philistin, nơm may hŏ nkhĭt jêh tâm rlŭng Êlah; bu put đao nây ma du bok, dơm pakơi êphôt. Tơlah may ŭch sŏk păng, sŏk hom, yorlah ta aơ, mâu hôm geh đao êng ôh.” Y-Đavit lah: “Mâu geh ôh đao tâm ban ma nây! May ăn hom đao nây ma gâp.”

I Samuel 23:21

Y-Sôl lah: “Dăn ma Brah Yêhôva ăn nau ueh uĭn ma khân may, yor khân may geh nuih n'hâm yô̆ nđach ma gâp!