I Samuel 17:34 - Nau Brah Ndu Ngơi 2023

³⁴ Y-Đavit mbơh ma Y-Sôl: “Lah oh mon may chiăp biăp ma mbơ̆ gâp nơm, tơlah geh yau mŭr mâu lah kau văch kăp du mlâm tâm phung biăp,

I Samuel 17:34 ပူးပေါင်းရင်းမြစ်များ

Nau Ntơm 31:39

Gâp mâu mâp nsĭt ôh ma may du mlâm biăp mpô mpa bri de hêk sa; lah geh gâp nơm hŏ ntrok jêh ma may. May hôm e đă mplơ̆ tay lĕ mpô mpa bu ntŭng nôk nar mâu lah nôk măng.

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

II Samuel 23:20

Y-Bênaya, kon bu klâu Y-Jêhôida, jêng du huê bu klâu janh ktang bơh Kapsêel, nơm lư n'găr yor hŏ ƀư âk kan toyh. Păng yơh hŏ nkhĭt bar hê tahan janh ktang phung Môap. Geh du nar măng lĭng (nar tŭp pler), tâm ban lĕ phung aơ hăn trŭnh du trôm, geh du mlâm yau mŭr, jêh ri nkhĭt lơi păng.

I Nau Rêh Jêng 11:22

Y-Bênaya, kon Y-Jêhôida gŭ ta ƀon Kapsêel, jêng du huê janh ktang ƀư jêh âk kan toyh. Păng nkhĭt bar hê tahan janh ktang bunuyh Môap. Păng tâm ban đŏng hăn trŭnh jêh ri dong nkhĭt du mlâm yau mŭr tâm trôm ntu ta nar geh tŭp dak pler.

Nau Mprơ Ơm 143:5

Gâp kah gĭt tay ma lĕ nar rnôk kăl e, Gâp gŭ mĭn ma lĕ rngôch kan May ƀư Jêh ri gŭ mĭn ma kan ti May.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Amôt 3:12

Brah Yêhôva lah: “Nâm bu phung rmăk biăp knŏng dơi đŏt mphâk bar mlâm jâng, Mâu lah du mlâm trôm tôr luh tă bơh trôm mbung yau mŭr Pôri phung ƀon lan Israel gŭ ta n'gor Samari, Ta njônh sưng jêh ri ta sưng bê̆ch bri Damas Ăt mra dơi rklaih tâm ban pônây lĕ.

Sakari 11:16

Yorlah aơ, Gâp mra n'hao du huê rmăk biăp tâm bri neh aơ, nơm nây mâu mra chrê ôh ma biăp păng lĕ roh, mâu lĕ ŭch tĭng joi biăp păng nhhơt, kŏ mâu ŭch mât siăm đŏng biăp păng sôt rmanh; mâu ŭch mât siăm biăp păng ăn toyh lay. Ƀiălah păng sa gŭch biăp lay, jêh ri nkhak lơi nchop păng.

Sakari 9:7

Gâp mra jut kloh mham tă bơh trôm mbung păng, Jêh ri sŏk lĕ ndơ sa ƀơ̆ ƀơch luh bơh sêk păng; Păng mra nâm bu phung ƀon lan hôm klen ma Brah Ndu he Jêh ri mra jêng nâm bu du huê kôranh tâm noi deh Yuđa Bi phung Êkron mra jêng nâm bu phung Jêbusit.

Luka 2:8

Tâm ban đŏng n'gor nây, geh ƀaƀă bunuyh rmăk biăp gŭ tâm ndrêch, gŭ rngeh măng njrăng uănh phung biăp.

Yôhan 10:11

Gâp jêng bunuyh rmăk biăp ueh, bunuyh rmăk biăp ueh jao nau rêh păng nơm ma biăp păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 5:4

nau srôih luh nau ktang, nau ktang luh nau kâp gân,

ហេឞ្រើ 11:33

Yor ma nau chroh phung bunuyh nây dơi jêh đah ƀon bri hađăch, ƀư nau di, sŏk dơn jêh lĕ nau ton, rdêp trôm mbung yau mŭr,

Nau Tâm Mpơl 13:2

Mpô mpa dŭt janh gâp uănh saơ nâm bu yau brăch; jâng păng nâm bu jâng kau, mbung nâm bu mbung yau mŭr. Bêh nhŭk nhăk ăn ma păng nau dơi ktang, sưng hađăch jêh ri nau dơi toyh.

Phung Kôranh Phat Dôih 14:6

Huêng Brah Yêhôva văch gŭ ndrel ma Y-Samsôn kŏ tât păng hêk yau mŭr nây ma ti păng nâm bu hêk du mlâm be kon. Ƀiălah păng mâu mbơh ôh ma mê̆ mbơ̆ păng gĭt moh nau păng hŏ ƀư.

I Samuel 17:15

bi ma Y-Đavit kơl kan hađăch Y-Sôl ƀă, plơ̆ sĭt ƀă gay chiăp biăp ma mbơ̆ păng ta Ƀêtlêhem.

I Samuel 17:33

Y-Sôl lah ma Y-Đavit: “May mâu dơi tâm rdâng đah bu klâu Philistin aơ ôh, yorlah may knŏng jêng du huê ndăm rah, bi păng jêng du tahan ntơm bơh ndăm rah.”

I Samuel 17:35

gâp hăn tĭng păng, dong păng, pit sŏk biăp tă bơh trôm mbung păng; tơlah păng tâm rdâng, gâp kuăn ta têp kang păng, dong păng jêh ri nkhĭt lơi păng.