I Samuel 14:45 - Nau Brah Ndu Ngơi 2023

⁴⁵ Ƀiălah phung ƀon lan lah ma Y-Sôl: “Y-Jônathan jêng nơm hŏ ƀư jêh ma phung Israel geh nau dơi toyh nâm pônây, mâm ƀư Y-Jônathan mra khĭt? Mâu geh pônây ôh! Nanê̆ tĭng nâm Brah Yêhôva gŭ rêh mro mrăng, nđâp lah du rse sŏk klơ bôk păng mâu mra rŭng ta neh ôh, yorlah păng ƀư kan ndrel ma Brah Ndu nar aơ.” Pôri, phung ƀon lan tâm rklaih Y-Jônathan, jêh ri păng mâu geh khĭt ôh.

I Samuel 14:45 ပူးပေါင်းရင်းမြစ်များ

II Samuel 14:11

Bu ur lah: “Dăn ma hađăch kah gĭt ma Yêhôva Brah Ndu hađăch gay king lơi nơm har plơng ma mham lơi hôm ƀư tay nau tâm nkhĭt ôh, jêh ri khân păng mâu mra nkhĭt kon bu klâu gâp ôh.” Hađăch lah: “Nanê̆ tĭng nâm Brah Yêhôva gŭ rêh mro mrăng, mâu geh du rse sŏk kon bu klâu ay mra rŭng ôh ta neh!”

I Phung Hađăch 1:52

Y-Salômôn lah: “Tơlah păng mpơl păng nơm jêng du huê bunuyh mleh ngăn, mâu geh ôh du brai sŏk păng mra rŭng ôh ta neh. Ƀiălah tơlah bu joi saơ geh saơ nau djơh mhĭk tâm păng, nanê̆ păng mra khĭt.”

II Nau Rêh Jêng 19:11

Aơ, kôranh ƀư brah toyh Y-Amaria mra mât uănh lĕ nau kan prăp ma Brah Yêhôva; bi Y-Sêbadia, kon Y-Ismaêl, kôranh chiă uănh ndŭl mpôl phung Yuđa, mra mât uănh lĕ kan prăp ma hađăch. Geh đŏng phung kôranh phung Lêvi mra pah kan kơl khân may. Nâp nuih n'hâm hom jêh ri pah kan hom! Brah Yêhôva gŭ ndrel ma phung sŏng.”

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Êsai 13:3

Gâp nơm hŏ ntăm jêh ma phung Gâp hŏ prăp êng jêh; Hŏ kuăl jêh phung bunuyh janh ktang Gâp tât Gay ma khân păng ƀư tât nau Gâp ji nuih; Khân păng jêng phung răm maak ma nau toyh Gâp.

Mathay 10:30

Nđâp ma sŏk ta klơ bôk khân may dơi kơp lĕ jêh.

Luka 21:18

Ƀiălah mâu geh du brai sŏk ta bôk khân may mra roh.

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Kôranh Oh Mon 15:12

Lĕ rngôch phung rƀŭn gŭ rklăk, iăt nau Y-Ƀarnaƀas jêh ri Y-Pôl nkoch bri lĕ rngôch nau mbên khlay jêh ri nau khlay, Brah Ndu đă khân păng ƀư jêh ta nklang phung bu năch.

Kôranh Oh Mon 21:19

Jêh tâm mbah jô̆ khâl, Y-Pôl nkoch bri ăp ntil lĕ nau Brah Ndu ƀư jêh ma phung bu năch tâm nau păng pah kan.

Kôranh Oh Mon 27:34

Pôri, gâp nkah khân may sông sa hom gay klaih nau rêh khân may, yorlah mâu geh du rse sŏk ta klơ bôk khân may mra roh rai.”

Samƀŭt Pôl Njuăl Ăn Ma Phung Nsing Ta Ƀon Rôm 15:18

Yorlah gâp mâu nănh ngơi du ntil nau êng, ƀiălah knŏng ngơi lĕ nau Brah Krist hŏ ƀư tâm gâp, gay ƀư ma phung bu năch tông bâr Păng. Ma nau ngơi jêh ri ma nau kan,

I Kôrintô 3:9

Yorlah hên jêng phung bunuyh pah kan ndrel ma Brah Ndu; khân may jêng mir lŏ Brah Ndu, jêng ngih Brah Ndu.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

I Samuel 11:13

Ƀiălah Y-Sôl lah: “Bu mâu mra nkhĭt du huê bunuyh ôh nar aơ, yorlah jêng nar Brah Yêhôva rklaih jêh Israel.”

I Samuel 14:23

Nar nây, Brah Yêhôva tâm rklaih phung Israel; jêh ri nau tâm lơh rlau ma ƀon Bet-Aven.

I Samuel 14:46

Y-Sôl mâu hôm tĭng lơh ôh phung Philistin; bi phung Philistin sĭt ma n'gor khân păng nơm.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”