I Samuel 14:33 - Nau Brah Ndu Ngơi 2023

³³ Geh nơm mbơh ma Y-Sôl: “Aơ, phung ƀon lan ƀư tih đah Brah Yêhôva dôl sa puăch hôm e mham.” Păng lah: “Khân may ƀư ƀlêp ƀlêr! Rlă hom du mlâm lŭ toyh ma gâp ta aơ.”

I Samuel 14:33 ပူးပေါင်းရင်းမြစ်များ

Nau Ntơm 9:4

Ƀiălah khân may mâu dơi sa ôh puăch hôm e mham, jêng hôm nau rêh.

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 19:26

Khân may mâu dơi sa puăch hôm mham. Mâu dơi ƀư nau n'hŭm pol mâu lah ƀư nau blau rƀên ôh.

Kan Lêvi 7:26

Phung kon mâu dơi sa mham ôh ta ăp ntŭk phung kon gŭ, nđâp lah nĕ jêng mham sĭm mâu lah mham mpô mpa rong.

Kan Lêvi 7:27

Mbu nơm sa mham, bu mra nsot lơi păng luh bơh phung ƀon lan păng.”

Mathay 7:5

Hơi bunuyh nuih n'hâm nklă! Lor lơn sŏk hom mâng ntur tă bơh trôm măt may, jêh nây may saơ rah vah gay sŏk ndruyh bơh măt oh nâu.”

Kôranh Oh Mon 15:20

ƀiălah ăn he nchih samƀŭt ntăm ma khân păng djôt prăp khân păng nơm bơh nau ƀơ̆ ƀơch tă bơh lĕ rup brah jêh ri nau văng tĭr, mâu đŏng sa puăch mpô mpa khĭt măp jêh ri mham.

Samƀŭt Pôl Njuăl Ăn Ma Phung Nsing Ta Ƀon Rôm 2:1

Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.

Nau Vay Nkah Tay 12:16

Ƀiălah khân may mâu dơi ôh sa mham; ăn khân may nkhŭt lơi mham ta neh nâm bu nkhŭt dak.

Nau Vay Nkah Tay 12:23

Ƀiălah mâu dơi ôh sa mham, yorlah mham jêng nau rêh, rĭ dĭng khân may mâu dơi sa puăch nđâp ma nau rêh.

Nau Vay Nkah Tay 15:23

Ƀiălah khân may mâu dơi sa mham, nkhŭt lơi hom mham ta neh nâm bu nkhŭt dak.”

I Samuel 14:34

Y-Sôl lah: “Hăn hom văch ta phung ƀon lan, mbơh ma khân păng pô aơ ăp nơm têk leo biăp jêh ri ndrôk ma gâp, jêh nây sreh păng ta aơ jêh ri sa puăch. Lơi ta ƀư tih ôh đah Brah Yêhôva dôl sa puăch hôm e mham.” Pônây tâm kêng măng nây, ăp nơm tâm phung ƀon lan têk leo mpô mpa rong khân păng ndrel jêh ri sreh ta klơ lŭ nây.