I Samuel 14:12 - Nau Brah Ndu Ngơi 2023

¹² Phung tahan tâm pôih kuăl ma Y-Jônathan jêh ri nơm tuy ndơ tâm lơh păng: “Văch hom ma hên! Hên geh du nau ŭch lah đah khân may.” Y-Jônathan lah ma nơm tuy ndơ tâm lơh: “Hao tĭng gâp, yorlah Brah Yêhôva hŏ jao jêh khân păng tâm ti phung Israel.”

I Samuel 14:12 ပူးပေါင်းရင်းမြစ်များ

Nau Ntơm 24:42

Nar aơ, lah tât jêh ntu dak, gâp geh mbơh sơm pô aơ: ‘Ơ Brah Yêhôva, Brah Ndu Y-Abraham, kôranh gâp! Dăn May kơl nau gâp hăn aơ dơi jêng.

Nau Ntơm 24:48

Gâp kŭnh bôk jêh ri chon mon tanăp măt Brah Yêhôva, tâm rnê ma Yêhôva Brah Ndu Y-Abraham kôranh gâp, Nơm hŏ njŭn leo jêh gâp tâm trong di gay săch mon bu ur, oh kôranh gâp jêng ur ma kon bu klâu păng.

II Samuel 5:24

Jêh ri tơlah may tăng nteh jâng nhuat ta klơ chiông tơm si balsam, rnôk nây rduh lơh gơnh hom, yorlah nôk nây yơh, Brah Yêhôva mra hăn panăp may gay lơh đah phung tahan Philistin.”

II Phung Hađăch 14:8

Jêh nau nây, Y-Amasia prơh phung mbơh hăn mâp đah Y-Jôas, kon Y-Jôacha, sau Y-Jêhu, hađăch Israel, nđâp ma nau ngơi nsônh nuih: “Văch hom, lŏng nâl ăn he tâm lơh.”

Phung Kôranh Phat Dôih 4:14

H'Dêbôra lah ma Y-Barak: “Dâk hom! Yorlah aơ jêng nar Brah Yêhôva jao jêh Y-Sisêra tâm ti may. Mâu di hĕ Brah Yêhôva hăn panăp may?” Pônây Y-Barak hăn trŭnh tă bơh yôk Tabor ndrel ma jât rbăn bunuyh tĭng ndô̆ păng.

Phung Kôranh Phat Dôih 7:14

Băl păng plơ̆ lah: “Nau aơ jêng đao Y-Gidêôn, kon bu klâu Y-Jôas, du huê Israel. Brah Ndu jao jêh phung Madian jêh ri lĕ rmlak tahan tâm ti păng.”

Phung Kôranh Phat Dôih 7:15

Tơlah Y-Gidêôn tăng bu nkoch tay nau mbơi nây jêh ri nau rblang ma nau mbơi nây, păng chon mon yơk mbah ma Brah Ndu. Păng plơ̆ sĭt ma rmlak tahan phung Israel jêh ri lah: “Dâk hom, yorlah Brah Yêhôva jao jêh phung tahan Madian tâm ti khân may!”

Phung Kôranh Phat Dôih 9:54

Păng kuăl ma nau ndal du huê bu klâu ndăm nơm djôt khêl păng jêh ri lah: “Tŏk hom đao jêh ri nkhĭt lơi hom gâp, klach bu lah: ‘Du huê bu ur nkhĭt jêh gâp!’” Pônây, bu klâu ndăm nây ntâp păng jêh ri păng khĭt.

I Samuel 14:10

Bi tơlah khân păng lah: ‘Hao hom ma hên,’ pôri he mra hăn hao, yorlah nĕ jêng nau mbên Brah Yêhôva jao jêh khân păng tâm ti he.”

I Samuel 14:13

Y-Jônathan vơr hao klơ ma jâng ti, jêh ri nơm tuy ndơ tâm lơh vơr tĭng păng. Phung Philistin cha lôt panăp Y-Jônathan, jêh ri nơm tuy ndơ tâm lơh nkhĭt khân păng khĭt pakơi păng.