I Phung Hađăch 9:4 - Nau Brah Ndu Ngơi 2023

⁴ Bi ma may, tơlah may chuat hăn panăp Gâp nâm bu Y-Đavit, mbơ̆ may, hŏ chuat hăn jêh, ma lĕ nuih n'hâm n'hêl nanê̆ jêh ri sŏng ƀư di tĭng lĕ rngôch nau Gâp ntăm jêh ma may, djôt prăp lĕ nau vay dăp jêh ri lĕ nau vay ƀư bơh Gâp,

I Phung Hađăch 9:4 ပူးပေါင်းရင်းမြစ်များ

Nau Ntơm 17:1

Rnôk Y-Abram geh sĭn jât msĭn năm, Brah Yêhôva tâm mpơl đah păng jêh ri lah ma păng: “Gâp jêng Brah Ndu Geh Lĕ Nau Brah; ăn may hăn hom tanăp măt Gâp jêh ri gŭ rêh ueh sŏng srăng ngăn.

Nau Ntơm 20:5

Mâu di hĕ Y-Abraham hŏ lah ma gâp: ‘Păng jêng oh bu ur gâp?’ Jêh ri păng nơm đŏng lah: ‘Păng jêng nâu gâp.’ Gâp ƀư jêh nau aơ đah nuih n'hâm sŏng jêh ri ti gâp mâu ôh geh tih.”

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 11:4

Di ngăn, tơlah Y-Salômôn ranh jêh, phung ur hađăch nsŭk nuih n'hâm hađăch hăn tĭng phung brah êng. Nuih n'hâm hađăch mâu hôm răp jăp ôh đah Yêhôva Brah Ndu păng nơm nâm bu Y-Đavit, mbơ̆ hađăch,

I Phung Hađăch 11:6

Pôri, Y-Salômôn ƀư nau mhĭk tanăp măt Brah Yêhôva, mâu lĕ nuih n'hâm tĭng Brah Yêhôva nâm bu Y-Đavit, mbơ̆ hađăch.

I Phung Hađăch 14:8

Gâp hŏ pit sŏk jêh ƀon bri hađăch tă bơh ngih Y-Đavit jêh ri jao păng ma may. Ƀiălah may mâu tâm ban ma Y-Đavit, oh mon Gâp, jêng bunuyh djôt prăp lĕ nau vay ntăm bơh Gâp, lĕ nuih n'hâm hăn tĭng Gâp jêh ri ƀư knŏng nau di jêng sŏng tanăp măt Gâp.

I Phung Hađăch 15:5

Yorlah Y-Đavit ƀư jêh nau ueh jêng sŏng tanăp măt Brah Yêhôva, du njăr nau rêh păng mâu chalơi du ntil nau ôh bơh nau Brah Yêhôva hŏ ntĭnh ma păng, padih ma nau đah Y-Uri, bunuyh Hitit.

I Phung Hađăch 3:14

Tơlah may chuat hăn tâm trong Gâp, djôt prăp lĕ nau vay dăp jêh ri lĕ nau vay Gâp ntăm, tâm ban mbơ̆ may jêng Y-Đavit hŏ chuat hăn, Gâp mra ăn ma may dơi rêh jŏ năm.”

I Phung Hađăch 3:3

Y-Salômôn yơk rŏng ma Brah Yêhôva yor ri chuat hăn tĭng nâm lĕ nau vay Y-Đavit dăp, mbơ̆ păng. Ƀiălah păng ăt hôm e nhhơr mpa ƀư brah jêh ri su n'hôl ƀâu kah ta lĕ ntŭk prêh klơ.

I Phung Hađăch 3:6

Y-Salômôn lah: “Kôranh Brah hŏ mpơl jêh nuih n'hâm ueh toyh ma oh mon May jêng Y-Đavit, mbơ̆ gâp, tâm ban păng hŏ chuat hăn tanăp May tâm nau răp jăp, nau sŏng srăng jêh ri nuih n'hâm nau di. Kôranh Brah mpơl tay đŏng nuih n'hâm ueh toyh aơ ma păng, tơlah ăn ma păng du huê kon bu klâu gŭ ta sưng hađăch păng tâm ban hŏ geh nar aơ.

I Phung Hađăch 6:12

“Bi ma ngih brah may dôl ƀư aơ, tơlah may tông tĭng nâm lĕ nau vay dăp bơh Gâp, tĭng lĕ nau vay Gâp ƀư, djôt prăp jêh ri chuat hăn tĭng lĕ rngôch nau vay ntăm bơh Gâp, Gâp mra ƀư ma may nau ton Gâp hŏ ngơi jêh ma Y-Đavit, mbơ̆ may.

I Phung Hađăch 8:25

Pôri aƀaơ, ơ Yêhôva jêng Brah Ndu phung Israel! Dăn djôt prăp hom nau Kôranh Brah hŏ ton đah oh mon May jêng Y-Đavit, mbơ̆ gâp, pô aơ: ‘Tơlah phung kon sau may njrăng tâm trong khân păng nơm, chuat hăn tanăp Gâp nâm bu may hŏ chuat hăn jêh, pôri tanăp Gâp, may mâu mra pưt ôh du huê bunuyh gŭ ta sưng hađăch phung Israel.’

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

II Nau Rêh Jêng 17:4

ƀiălah joi Brah Ndu phung chô yau păng, djôt prăp lĕ nau vay Păng ntăm, jêh ri mâu ƀư ôh kơt phung Israel.

Nau Mprơ Ơm 101:2

Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

Nau Mprơ Ơm 128:1

Ueh maak yơh ma mbu nơm klach yơk ma Brah Yêhôva, Hăn tâm trong păng!

Nau Mprơ Ơm 15:2

Nây jêng bunuyh chuat hăn ma nau sŏng, ƀư nau sŏng srăng, Jêh ri ngơi nau nanê̆ ngăn bơh tâm nuih n'hâm păng;

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 26:11

Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

Nau Mprơ Ơm 78:72

Y-Đavit mât chiăp khân păng ma nuih n'hâm sŏng, Njŭn leo khân păng ma ti gĭt blau.

Nau Hôr 10:9

Bunuyh gŭ rêh sŏng mra geh nau đăp mpăn, Bi phung tĭng ndô̆ trong kue bu mra ƀư mpơl lĕ kan păng.

Nau Hôr 20:7

Bunuyh sŏng srăng gŭ ngao tâm nau ueh; Phung kon sau bunuyh nây geh nau ueh lăng ngăn!

Nau Hôr 28:18

Mbu nơm gŭ ngao ma nau sŏng mra dơi geh nau tâm rklaih, Bi ma nơm hăn tĭng trong kue mra tŭp ƀât lât.

Êsêkiêl 18:9

chuat tĭng nau vay dăp Gâp, djôt prăp nau vay ƀư bơh Gâp jêh ri gŭ ngau tâm nau nanê̆ ngăn, bunuyh nây jêng sŏng srăng jêh ri n'hêl nanê̆ păng mra rêh, Kôranh Brah Yêhôva lah pônây.

Sakari 3:7

“Brah Yêhôva ma phung tahan lah: ‘Tơlah may chuat hăn tâm trong Gâp, tông jêh ri djôt prăp nau Gâp ntĭm, ri mơ may dơi chiă uănh ngih Gâp, jêh ri dơi gak mpông pêr Gâp, jêh ri Gâp mra ăn ma may chuat lăp tâm nklang phung dâk pah kan jŭm Gâp.

Luka 1:6

Lĕ bar hê jêng bunuyh sŏng srăng tanăp Brah Ndu, tông djôt prăp lĕ nau vay jêh ri tĭng nau ntĭm Kôranh Brah ntăm nŭm rĭng ngăn.

Nau Vay Nkah Tay 28:1

“Tơlah khân may lĕ nuih n'hâm rkêng iăt ngăn nau Yêhôva Brah Ndu khân may lah, njrăng hom ƀư tĭng kơt lĕ rngôch nau vay Păng ntăm, jêng nau gâp ntăm ma khân may nar aơ ri mơ Yêhôva Brah Ndu khân may mra n'hao ma khân may rlau lơn lĕ rngôch phung ndŭl mpôl ta neh ntu aơ.