I Phung Hađăch 9:24 - Nau Brah Ndu Ngơi 2023

²⁴ Tơlah kon bu ur Pharaôn dâk hăn bơh ƀon Đavit tât gŭ tâm ngih hađăch, hađăch Salômôn hŏ ndâk ăn ma păng, nôk nây hađăch ntơm ndâk njêng Milô.

I Phung Hađăch 9:24 ပူးပေါင်းရင်းမြစ်များ

II Samuel 5:7

Ƀiălah Y-Đavit lơh pit jêh pôih nâp Siôn, nây jêng ƀon Đavit.

II Samuel 5:9

Y-Đavit gŭ ta pôih nây, jêh ri ntơ amoh ƀon Đavit. Hađăch ƀư mpêr gŭ văr jŭm ntơm bơh Milô plơ̆ lăp mpeh tâm trôm.

I Phung Hađăch 11:27

Aơ jêng nau păng dâk tâm rdâng đah hađăch: Y-Salômôn ndâk Milô, njĭr tay ntŭk lĕ bluh mpêr ƀon Đavit, jêng ƀon mbơ̆ păng hŏ ndâk.

I Phung Hađăch 3:1

Y-Salômôn ƀư nau tâm rnglăp đah Pharaôn, hađăch n'gor Êjipt, jêh ri sŏk kon bu ur Pharaôn jêng ur păng. Hađăch leo bu ur nây plơ̆ sĭt gŭ ta ƀon Đavit kŏ tât tơlah păng ƀư lôch jêh kan ndâk ngih hađăch ma păng nơm, ngih brah ma Brah Yêhôva, jêh ri mpêr ƀon văr jŭm ƀon Yêrusalem.

I Phung Hađăch 7:8

Bi ma ngih hađăch gŭ ta pakơi jrô toyh, geh nau rup tâm ban ma jrô toyh. Y-Salômôn ndâk đŏng du mlâm ngih ƀoi nĕ ma kon bu ur Pharaôn păng sŏk jêh jêng ur păng.

II Nau Rêh Jêng 32:5

Păng ƀư ngăn yơh, ndâk tay lĕ rngôch mpêr ƀon hŏ mplŭng jêh, jêh ri ndâk ngih tŭm klơ ăn prêh đê̆, jêh ri ndâk đŏng mpêr êng mpeh padih. Păng ƀư dŭt nâp Milô tâm ƀon Đavit, jêh ri păng ƀư âk tak keng jêh ri khêl.

II Nau Rêh Jêng 8:11

Y-Salômôn prơh bu vơt kon bu ur Pharaôn bơh ƀon Đavit hao tât ta ngih hađăch păng hŏ ndâk jêh ma păng, yorlah păng lah pô aơ: “Ur gâp mâu mra gŭ tâm ngih hađăch Y-Đavit, hađăch Israel ôh, yorlah ta ntŭk Hip Nau Tâm Rnglăp Brah Yêhôva gŭ, ntŭk nây jêng kloh ueh.”