I Phung Hađăch 8:65 - Nau Brah Ndu Ngơi 2023

⁶⁵ Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

I Phung Hađăch 8:65 ပူးပေါင်းရင်းမြစ်များ

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

I Phung Hađăch 3:15

Y-Salômôn kah rngăl, gĭt nây jêng nau mbơi. Jêh nây hađăch plơ̆ sĭt ma Yêrusalem, dâk panăp Hip Nau Tâm Rnglăp Brah Yêhôva, nhhơr ndơ ƀư brah gŭch jêh ri ndơ ƀư brah ma nau đăp mpăn. Jêh nau nây, hađăch ƀư du nau nhêt sông ma lĕ rngôch phung oh mon păng.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

I Phung Hađăch 4:24

Yorlah Y-Salômôn chiă uănh lĕ nkual mpeh nhâp nar dak krong Ơphrat jêh ri phung hađăch lĕ nkual nây, ntơm bơh Tipsa tât ma Gaxa, pôri lam puăn mpeh geh da dê nau đăp mpăn.

I Phung Hađăch 8:2

Lĕ rngôch phung bu klâu Israel rgum ndrel da dê jŭm hađăch Salômôn tâm khay Êthanim, jêng khay rơh pơh gay ma râng rƀŭn.

I Phung Hađăch 8:66

Lăp nar rơh pham, hađăch ăn phung ƀon lan hăn sĭt. Khân păng ăn nau ueh uĭn ma hađăch jêh nây hăn sĭt rlet ngih vâl khân păng nơm, nuih n'hâm hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, oh mon Păng, jêh ri ma Phung ƀon lan Israel Păng.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.

II Phung Hađăch 17:24

Hađăch Asiri njŭn leo phung bunuyh tă bơh Babilôn, Kuta, Ava, Hamat jêh ri Sêpharvaim, văch tât gŭ tâm lĕ ƀon n'gor Samari, ntrok ntŭk phung ƀon lan Israel. Khân păng pit in n'gor Samari jêh ri gŭ tâm lĕ ƀon păng.

II Phung Hađăch 23:33

Pharaôn Nêkô nhŭp krŭng Y-Jôacha ta ƀon Ribla, tâm n'gor Hamat, gay ma păng mâu dơi ƀư hađăch tâm ƀon Yêrusalem đŏng ôh, jêh ri păng nchâp n'gor Yuđa chê̆ pi pe rbăn kilô prăk jêh ri pe jât kilô mah.

I Nau Rêh Jêng 1:16

phung Arvadit, phung Sêmarit, jêh ri phung Hamat.

I Nau Rêh Jêng 13:5

Y-Đavit tâm rƀŭn lĕ rngôch phung Israel, ntơm bơh Sihôr tâm n'gor bri Êjipt tât ma ntŭk lăp ƀon Hamat, gay tung leo Hip Nau Tâm Rnglăp Brah Ndu plơ̆ sĭt tă bơh Kiriat-Jêarim.

II Nau Rêh Jêng 30:13

Tâm khay bar, geh âk ngăn bunuyh tât rƀŭn tâm ƀon Yêrusalem jêng du phung tâm rƀŭn toyh gay yơk ma Nau Sa Piăng Let Mâu Geh Ndrui.

II Nau Rêh Jêng 30:23

Lĕ rngôch phung tâm rƀŭn sŏk dơn djôt prăp nau rƀŭn ntop pơh nar, pôri khân păng răm maak djôt prăp nau rƀŭn ntop pơh nar đŏng.

Nau Ngluh Êjipt 23:31

Gâp mra ƀư n'har bri kon ntơm bơh Dak Mƀŭt Chăng tât ta dak mƀŭt Philistin, ntơm bơh bri rdah tât ta dak krong toyh; yorlah Gâp mra jao lĕ phung bunuyh ta n'gor nây tâm ti kon, jêh ri kon mra mprơh khân păng mâu hôm saơ ta măt kon.

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsêkiêl 47:19

Mpeh pa dâng ntơm bơh Tamar kŏ tât ma dak krong Mêriba ta Kadês, tât ma n'hong Êjipt kŏ tât ma Dak Mƀŭt Toyh. Nây jêng n'har mpeh pa dâng.

Amôt 6:14

Yor nây, Yêhôva Brah Ndu ma phung tahan lah: “Hơi ngih Israel, Gâp mra ăn du bri dak văch tâm rdâng đah khân may; Păng mra tŭn jot khân may, ntơm bơh ntŭk lăp ƀon Hamat Tât ta Dak N'hor Arabah.”

Amôt 6:2

Pôri rgăn hom ta ƀon Kalnê jêh ri uănh; Ntơm bơh nây hăn hom tât ta ƀon toyh Hamat Jêh ri hăn trŭnh tât ta ƀon Gat phung philistin. Lĕ ƀon toyh nây jêng ueh lơn ma phung ƀon bri hađăch aơ lĕ bơh? Bri neh khân păng jêng toyh lơn ma bri khân may lĕ ƀơh?

Nau Kơp Bunuyh 34:5

N'har mra ndăch ntơm bơh Asmôn tât ta dak n'hor Êjipt jêh ri lôch ta dak mƀŭt.

Nau Kơp Bunuyh 34:8

Ntơm bơh yôk Hor, n'har mra tât ta ntŭk lăp ƀon Hamat, găn Sêdat,

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Yôsuê 13:5

N'gor neh phung Gêbalit, jêh ri lĕ bri Liban mpeh luh nar, ntơm bơh Baal-Gat ta jâng yôk Hermôn tât ma ntŭk lăp Hamat.

Yôsuê 15:1

Kô̆ neh prăp ma ndŭl mpôl Yuđa nchroh n'hôr tĭng nâm ăp rnăk vâl khân păng, mpeh pa dâng n'har Êđôm tât ma bri rdah Sin ta bri bôl mpeh rđŭng pa dâng.

Yôsuê 15:4

hăn rgăn mpeh Asmôn, lăp tâm Dak N'hor Êjipt jêh ri hăn tât ta lôch dak mƀŭt. Nây mra jêng n'har mpeh pa dâng khân may.

Yôsuê 19:35

Ƀon toyh geh mpêr nâp jêng ƀon: Sidim, Sêr, Hamat, Rakat, Chinêrôt,

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.