I Phung Hađăch 8:58 - Nau Brah Ndu Ngơi 2023

⁵⁸ Dăn ma Păng nsŭk nsôr nuih n'hâm he rle mpeh Păng, gay he hăn tâm lĕ rngôch trong Păng, djôt prăp lĕ nau vay ntăm, lĕ nau vay dăp, jêh ri lĕ nau vay ƀư bơh Păng hŏ ntăm ma phung chô yau he.

I Phung Hađăch 8:58 ပူးပေါင်းရင်းမြစ်များ

I Phung Hađăch 8:59

Ăn lĕ nau gâp hŏ vơl dăn jêh tra năp măt Brah Yêhôva mra gŭ êp Yêhôva Brah Ndu he nar jêh ri măng, gay Păng koh dŏng kơl oh mon Păng jêh ri phung ƀon lan Israel Păng, tĭng nâm nau tât ăp nar,

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 119:36

Ăn nuih n'hâm gâp rle mpeh nau ntĭnh bơh May Lơi dĭng rle mpeh drăp ndơ mâu di.

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Nau Vay Nkah Tay 4:1

“Hơi phung Israel, aƀaơ aơ gŭ iăt hom lĕ nau vay dăp jêh ri lĕ nau vay gâp ƀư nti khân may. Djôt prăp hom lĕ nau nây gay ma khân may dơi rêh gay lăp dơn n'gor Yêhôva Brah Ndu phung chô yau khân may ăn ma khân may jêng drăp ndơn.

Nau Vay Nkah Tay 4:45

Aơ jêng lĕ nau ntrŭnh jêh ri lĕ nau vay dăp jêh ri lĕ nau vay ƀư bơh Y-Môis ngơi jêh ma phung ƀon lan Israel, nôk khân păng luh bơh n'gor Êjipt,

Nau Vay Nkah Tay 6:1

“Aơ jêng nau vay ntăm, lĕ nau vay dăp jêh ri lĕ nau vay ƀư bơh Yêhôva Brah Ndu khân may ntăm jêh ma gâp ntĭm nti tay khân may, gay khân may djôt prăp nôk gŭ tâm n'gor khân may bơi hăn lăp dơn ƀư drăp ndơn.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

Yôsuê 24:23

Y-Yôsuê lah: “Aƀaơ, mƀăr lơi hom phung brah bu năch luh bơh khân may jêh ri rle nuih n'hâm khân may mpeh Brah Yêhôva, Brah Ndu Phung Israel.”