I Phung Hađăch 8:56 - Nau Brah Ndu Ngơi 2023

⁵⁶ “Mât ton ma Brah Yêhôva, Nơm ăn jêh ma phung ƀon lan Israel Păng geh nau rlu tĭng nâm lĕ rngôch nau Păng hŏ ntăm jêh! Tâm lĕ rngôch nau ton ueh Păng hŏ ntăm jêh ma Y-Môis, oh mon Păng, mâu geh ôh du bâr ngơi mâu hoch.

I Phung Hađăch 8:56 ပူးပေါင်းရင်းမြစ်များ

II Phung Hađăch 10:10

Pônây, aƀaơ ri, ăn gĭt rah vah ngăn pô aơ: Tâm nau Brah Yêhôva hŏ lah ma ngih Y-Ahap mâu mra geh ôh du nau mâu mra ăn tât tĭng nâm Brah Ndu ngơi; nau nây Brah Yêhôva ngơi jêh di ma ngih Y-Ahap, yorlah Brah Yêhôva ƀư jêh nau Păng hŏ ngơi ma oh mon Păng Y-Êli.”

I Nau Rêh Jêng 16:36

Tâm rnê ngăn ma Brah Yêhôva, Brah Ndu Israel, Ntơm bơh rnôk n'ho ro tât ma rnôk n'ho ro!” Lĕ rngôch phung ƀon lan plơ̆ lah ma du bâr: “Amen!” Jêh ri mât ton ma Brah Yêhôva.

I Nau Rêh Jêng 22:9

Aơ, bu mra deh ma may du huê kon bu klâu, păng jêng du huê bunuyh đăp mpăn. Gâp mra ăn ma păng nau đăp mpăn, phung rlăng gŭ jŭm păng mâu mra hôm ôh ƀư rkhŭk păng; yor ri, amoh păng jêng Y-Salômôn. Tâm rô̆ păng, Gâp mra ăn phung Israel đăp mpăn, gŭ păn thơ.

II Nau Rêh Jêng 14:6

Păng ndâk njêng âk ƀon mpêr nâp ngăn tâm bri Yuđa, yorlah n'gor bri nây geh nau đăp mpăn. Tâm rnôk nây mâu geh ôh nau tâm lơh, yorlah Brah Yêhôva hŏ ăn jêh ma khân păng rlu đăp mpăn.

Nau Ngluh Êjipt 18:10

Y-Jêtrô lah: “Khư tâm rnê Brah Yêhôva, jêng Nơm hŏ tâm rklaih jêh khân may bơh ti phung Êjipt jêh ri ti Pharaôn, jêh ri rklaih đŏng phung ƀon lan bơh nau dơi phung Êjipt.

Luka 21:33

Trôk neh mra rlau lôch, ƀiălah nau Gâp ngơi mâu mra rlau lôch ôh.

Nau Vay Nkah Tay 12:10

Ƀiălah tơlah khân may rgăn jêh dak krong Yurdan jêh ri gŭ tâm n'gor Yêhôva Brah Ndu ăn khân may jêng drăp ndơn, Păng mra ăn ma khân may nau rlu, rklaih bơh nau phung rlăng nchueng, jêh ri ăn ma khân may dơi rêh tâm nau đăp mpăn.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 3:20

Ndah jŏ Brah Yêhôva ăn nau rlu ma phung oh nâu khân may tâm ban ma khân may nơm, jêng nôk khân păng dơi gŭ tâm n'gor Yêhôva Brah Ndu khân may ăn jêh ma khân păng ta mpeh nhâp nar đah ri dak krong Yurdan, rnôk nây mơ khân may mplơ̆ sĭt drăp ndơn gâp hŏ jao jêh ma khân may.’

I Samuel 3:19

Y-Samuel văch ma toyh, Brah Yêhôva gŭ ndrel păng: Păng mâu ăn du ntil nau păng ngơi roh hêng dơm dam ôh.