I Phung Hađăch 8:54 - Nau Brah Ndu Ngơi 2023

⁵⁴ Tơlah Y-Salômôn hŏ nhhơr ma Brah Yêhôva lĕ nau mbơh sơm jêh ri nau vơl dăn aơ lôch jêh, hađăch dâk tanăp nơng ƀư brah Brah Yêhôva, ntŭk hađăch hŏ chon kômâk jêh ri yơr bar ti leo klơ trôk.

I Phung Hađăch 8:54 ပူးပေါင်းရင်းမြစ်များ

I Phung Hađăch 8:22

Jêh nĕ, Y-Salômôn dâk panăp nơng ƀư brah Brah Yêhôva, tanăp lĕ rngôch phung Israel tâm rƀŭn, yơr bar đah ti rlet klơ trôk, jêh ri mbơh sơm pô aơ:

II Nau Rêh Jêng 7:1

Tơlah Y-Salômôn mbơh sơm lôch jêh, ŭnh tă bơh trôk su ndơ ƀư brah gŭch jêh ri mpa ƀư brah. Nau chrêk rmah Brah Yêhôva bêng ngih brah.

Nau Mprơ Ơm 95:6

Văch hom kŭnh gay yơk mbah ma Brah Yêhôva; Chon mon hom kômâk tanăp Nơm Rhăk Njêng he!

Luka 11:1

Brah Yêsu mbơh sơm ta du ntŭk. Tơlah mbơh sơm lôch jêh, du huê oh mon lah ma Păng: “Hơi Kôranh, dăn nti ăn hên mbơh sơm, nâm bu Y-Yôhan nti jêh phung oh mon păng kơt nây.”

Luka 22:41

Păng hăn tă bơh phung oh mon ƀah klăp lah klŭp mƀăr glo lŭ jêh ri chon kômâk mbơh sơm

Luka 22:45

Mbơh sơm lôch jêh, Păng dâk plơ̆ tay ma phung oh mon jêh ri saơ khân păng gŭ bê̆ch jêh yor nau rngot.

Kôranh Oh Mon 20:36

Jêh păng lah pônây, Y-Pôl chon kômâk jêh ri mbơh sơm ndrel ma lĕ rngôch phung nây.

Kôranh Oh Mon 21:5

Tơlah lĕ nar hên gŭ njưh ta nây, hên hăn trong tay. Lĕ rngôch phung oh mon ndrel ma phung ur kon khân păng njŭn hên tât padih ƀon, jêh nây lĕ rngôch hên chon kômâk ta kơh dak mƀŭt jêh ri mbơh sơm.