I Phung Hađăch 8:51 - Nau Brah Ndu Ngơi 2023

⁵¹ yorlah khân păng jêng phung ƀon lan May, jêng drăp ndơn May hŏ njŭn leo jêh bơh Êjipt, jêng luh bơh ŭnh năk loih.

I Phung Hađăch 8:51 ပူးပေါင်းရင်းမြစ်များ

I Phung Hađăch 8:53

Hơi Kôranh Brah jêng Brah Yêhôva! Kôranh Brah hŏ prăp êng phung Israel luh tă bơh lĕ rngôch phung ƀon lan klơ neh ntu, gay ma khân păng jêng drăp ndơn May, tĭng nâm May mbơh jêh ma bâr mbung Y-Môis jêng oh mon May, dôl May ngluh phung chô yau hên du luh bơh Êjipt.”

II Nau Rêh Jêng 6:39

dăn ma May tă bơh klơ trôk, jêng ntŭk May gŭ, rkêng tôr iăt nau khân păng mbơh sơm vơl dăn, koh dŏng khân păng, jêh ri yô̆ an nau tih phung ƀon lan May ƀư tih jêh đah May.

Nêhêmi 1:10

Khân păng jêng phung oh mon jêh ri phung ƀon lan ma Kôranh Brah, jêng phung Kôranh Brah hŏ rklaih jêh ma ti dŭt dăng, bêng nau brah bơh May.

Nau Mprơ Ơm 28:9

Dăn Kôranh Brah rklaih ƀon lan May jêh ri ăn nau ueh lăng ma drăp ndơn May; Dăn mât chiă jêh ri kuăn rdâng khân păng ƀaƀơ n'ho ro.

Êsai 48:10

Aơ, Gâp ƀư kloh jêh khân may, ƀiălah mâu geh tâm ban ma ƀư kloh prăk ôh; Gâp rlong uănh jêh khân may tâm năk ŭnh nau rêh ni.

Êsai 64:9

Ơ Brah Yêhôva, lơi nuih rlau keh ôh, Mâu lĕ kah gĭt n'ho ro ma nau tih hên! Aơ, hên dăn May mêt uănh, Lĕ rngôch hên jêng phung ƀon lan May.

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yêrêmi 51:19

Ƀiălah drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Israel jêng mpôl băl drăp ndơn Păng; Amoh Păng jêng Brah Yêhôva ma phung tahan.

Daniel 3:26

Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.