I Phung Hađăch 8:48 - Nau Brah Ndu Ngơi 2023

⁴⁸ tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

I Phung Hađăch 8:48 ပူးပေါင်းရင်းမြစ်များ

I Phung Hađăch 8:33

Tơlah Israel, phung ƀon lan May, yor ƀư tih đah May, jêh nây phung rlăng lơh rai khân păng, tơlah khân păng plơ̆ sĭt ma May, mbơh amoh May jêh ri mbơh sơm vơl dăn ma May tâm ngih brah aơ,

I Phung Hađăch 8:49

dăn Kôranh Brah tă bơh klơ trôk, jêng ntŭk May gŭ, rkêng tôr iăt nau mbơh sơm khân păng vơl dăn jêh ri ƀư nau di ma khân păng.

II Phung Hađăch 23:25

Lor panăp Y-Jôsia, mâu mâp geh ôh du huê hađăch tâm ban ma păng, nơm plơ̆ sĭt ma Brah Yêhôva ma lĕ nuih n'hâm, ma lĕ huêng, jêh ri ma lĕ nau ktang păng, tĭng nâm lĕ nau vay Y-Môis tâm ban ma păng; jêh ri pakơi Y-Jôsia mâu đŏng geh nơm ƀư tâm ban kơt nây.

Nêhêmi 1:9

bi tơlah khân may lah plơ̆ sĭt tay ma Gâp jêh ri djôt prăp lĕ nau vay Gâp ntăm, nđâp lah phung khân may lĕ nchah rai pru pra jêh tât bôl dŭt trôk, Gâp mra rgum tay rƀŭn khân păng plơ̆ sĭt jêh ri djôt leo khân may hăn tât ta ntŭk Gâp hŏ săch gay ăn amoh Gâp gŭ ta nây.’

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:145

Ơ Brah Yêhôva, gâp kuăl mbơh sơm ma May ma lĕ nuih n'hâm, dăn plơ̆ lah an ma gâp; Gâp mra djôt prăp nau vay May dăp.

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Daniel 6:11

Rnôk nây, phung nây tâm rnglăp ndrel jêh ri saơ Y-Daniel mbơh sơm jêh ri vơl dăn ma tanăp Brah Ndu păng.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Kan Lêvi 26:40

Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,

Yônais 2:4

May hŏ mƀăr jêh gâp tâm brŏng jru Tâm dâng blat dak mƀŭt Jêh ri n'hor dak toyh nkŭm jŭm gâp. Lĕ rngôch mpiăt dak jêh ri dak rbuh May rgăn Văch nkŭm ta klơ gâp da dê.

Sakari 10:9

Gâp mra srih khân păng ta nklang phung ƀon lan, Ƀiălah tâm bri n'gor ngai, khân păng mra kah gĭt ma Gâp; Khân păng mra rêh ndrel ma phung kon khân păng jêh ri mra plơ̆ sĭt.

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Samƀŭt Pôl Njuăl Ăn Ma Phung Nsing Ta Ƀon Rôm 10:10

Yorlah mbu nơm chroh tâm nuih n'hâm dơi kơp sŏng srăng, mbu nơm mbơh ma bâr mbung geh nau rklaih.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.