I Phung Hađăch 8:46 - Nau Brah Ndu Ngơi 2023

⁴⁶ Tơlah khân păng ƀư tih đah Kôranh Brah — yorlah mâu geh du huê bunuyh mâu ƀư tih — ƀư ăn May ji nuih ma khân păng jêh ri jao khân păng ăn ma phung rlăng ăn bu nhŭp khân păng ƀư dĭk tâm n'gor phung rlăng, mâu lah ntŭk ngai mâu lah dăch.

I Phung Hađăch 8:46 ပူးပေါင်းရင်းမြစ်များ

I Phung Hađăch 8:45

pôri dăn Kôranh Brah klơ trôk rkêng tôr iăt lĕ nau khân păng mbơh sơm jêh ri nau vơl dăn gay ƀư nau di ma khân păng.

II Phung Hađăch 17:18

Yor ri, Brah Yêhôva ji nuih ngăn ma phung Israel jêh ri mprơh du khân păng bơh tanăp măt Păng, knŏng hôm ndŭl mpôl Yuđa dơm.

II Phung Hađăch 17:23

kŏ tât Brah Yêhôva mprơh du khân păng bơh Păng, di nâm nau Păng hŏ ngơi ma trôm mbung phung nơm mbơh lor, jêng oh mon Păng. Pônây, bu mprơh du lơi phung Israel tă bơh n'gor bri khân păng nơm rlet ma bri Asiri tât ma nar aơ.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

II Nau Rêh Jêng 6:36

Tơlah phung ƀon lan Israel ƀư tih đah May (yorlah mâu geh du huê bunuyh mâu ƀư tih), jêh ri May ji nuih jao khân păng ăn ma phung rlăng, nhŭp khân păng ƀư dĭk tâm n'gor ngai mâu lah dăch;

Ndrom Samƀŭt bơh Yôp 14:4

Mbu nơm dơi sŏk nau kloh ueh luh bơh nau ƀơ̆ ƀơch? Mâu geh du huê nuyh!

Nau Mprơ Ơm 130:3

Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 143:2

Lơi dĭng phat dôih ma oh mon May ôh, Yorlah mâu geh du huê jêng sŏng srăng tanăp May ôh.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Hôr 20:9

Mbu dơi lah: “Gâp hŏ ƀư kloh jêh nuih n'hâm gâp nơm; Gâp hŏ kloh jêh nau tih”?

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 3:23

yorlah lĕ rngôch bunuyh ƀư tih da dê jêh, kƀah nau chrêk rmah Brah Ndu;

Galati 3:22

Ƀiălah Nau Brah Ndu Ngơi mbơh da dê lĕ ntil ndơ gŭ tâm dâng nau dơi ktang nau tih, gay ma nau chroh tâm Brah Yêsu Krist, nau ton dơi ăn ma phung chroh.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.