I Phung Hađăch 8:36 - Nau Brah Ndu Ngơi 2023

³⁶ pôri dăn Kôranh Brah klơ trôk rkêng tôr iăt khân păng, yô̆ an ma nau tih ma phung oh mon May jêh ri ma phung ƀon lan Israel May. Dăn ma May sâm nti ma khân păng trong di gay ma khân păng mra hăn, jêh ri ăn dak mih tŭp tâm neh Kôranh Brah ăn jêh ma phung ƀon lan May jêng drăp ndơn.

I Phung Hađăch 8:36 ပူးပေါင်းရင်းမြစ်များ

I Phung Hađăch 18:1

Lôch jêh năng nar jŏ jong, geh nau Brah Yêhôva ngơi ma Y-Êli tâm năm prăng phang rơh pe pô aơ: “Hăn hom mâp đah Y-Ahap, Gâp mra ƀư ăn trôk mih tŭp ta neh ntu.”

I Phung Hađăch 18:41

Y-Êli lah ma Y-Ahap: “Jă hađăch hăn hao jêh ri sông sa nhêt, yorlah gâp lĕ tăng jêh nteh tŭp mih.”

I Phung Hađăch 18:45

Tâm ƀât lât, trôk geh ndâr tŭk nkŭm krăk kher, sial khôm rpuh, jêh ri geh mih toyh ngăn. Y-Ahap sĭt ndal ma ndeh seh păng tât ta Jesrêel.

Nau Mprơ Ơm 119:133

Dăn mât mray jâng gâp nâp nhuat tâm nau May ngơi; Lơi dĭng ăn du ntil nau mhĭk chiă uănh gâp.

Nau Mprơ Ơm 119:33

Ơ Brah Yêhôva, sâm nti gâp trong nau vay ƀư bơh May Pôri gâp mra djôt prăp păng tât lôch.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 25:8

Brah Yêhôva jêng ueh jêh ri sŏng, Yor nây, May knŏng nti trong ma phung tih.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 5:8

Ơ Brah Yêhôva, ma yor phung rlăng gâp, Dăn njŭn leo gâp tâm trong sŏng srăng May, Jêh ri ƀư lâng trong Kôranh Brah tanăp măt gâp.

Nau Mprơ Ơm 68:10

Ơ Brah Ndu, phung ƀon lan May joi dơi saơ du ntŭk gŭ ta nây, Yor nau ueh, May ăn lĕ nau ŭch phung pưt kƀah.

Nau Mprơ Ơm 68:9

Ơ Brah Ndu, ăn dak mih tŭp âk ta klơ drăp ndơn May; Tơlah păng sơh kro, May ăn păng sĭt n'hâm suan.

Nau Mprơ Ơm 86:11

Ơ Yêhôva, sâm nti gâp trong May, Pôri gâp mra hăn tâm nau ngăn May; Ăn nuih n'hâm gâp ăn blau klach yơk ma amoh May.

Nau Mprơ Ơm 94:12

Ơ Yêhôva, ueh maak yơh ma bunuyh geh nau Păng nduyh nkra Jêh ri nti nau vay May ăn,

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 42:3

Dăn Yêhôva Brah Ndu may ntĭm ăn ma hên trong hên mra hăn jêh ri kan hên mra ƀư!”

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.