I Phung Hađăch 8:35 - Nau Brah Ndu Ngơi 2023

³⁵ Tơlah lĕ ndâr trôk nchăng nâp, mâu geh dak mih ôh yorlah khân păng ƀư tih jêh đah May, tơlah khân păng rle mpeh ta ntŭk aơ gay mbơh sơm, jêh ri mbơh nau khân păng chroh ma amoh May, chalơi nau tih khân păng nơm, yorlah May hŏ phat dôih jêh khân păng,

I Phung Hađăch 8:35 ပူးပေါင်းရင်းမြစ်များ

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Samuel 24:13

Y-Gat hăn văch ma Y-Đavit, mbơh ma hađăch lĕ nau nây jêh ri lah: “Moh nau hađăch săch: Mâu lah pơh năm nau sa sât ji ngot tâm bri may, mâu lah pe khay hađăch nchuăt du bơh tanăp phung rlăng tĭng may, mâu lah pe nar nau ji tưp ƀư mhĭk ngăn tâm bri may? Aƀaơ, dăn may gŭ mĭn jêh ri săch nau gâp mra plơ̆ sĭt lah đŏng ma Nơm prơh gâp hăn jêh.”

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 8:33

Tơlah Israel, phung ƀon lan May, yor ƀư tih đah May, jêh nây phung rlăng lơh rai khân păng, tơlah khân păng plơ̆ sĭt ma May, mbơh amoh May jêh ri mbơh sơm vơl dăn ma May tâm ngih brah aơ,

I Phung Hađăch 8:34

pônây dăn May klơ trôk rkêng tôr iăt, yô̆ an nau tih ma phung ƀon lan Israel May jêh ri ƀư ăn khân păng plơ̆ sĭt ma n'gor May ăn jêh ma chô yau khân păng.

II Nau Rêh Jêng 6:24

Tơlah phung ƀon lan Israel May ƀư tih đah May, phung rlăng ƀư roh rai khân păng, jêh ri khân păng plơ̆ sĭt ma May, gĭt năl amoh May jêh ri mbơh sơm vơl dăn panăp May tâm ngih brah aơ,

II Nau Rêh Jêng 6:26

Tơlah lĕ ndâr trôk nchăng nâp, mâu geh dak mih ôh, yorlah phung ƀon lan Israel ƀư tih jêh đah May, tơlah jêh May hŏ phat dôih jêh khân păng, khân păng rle mpeh ta ntŭk aơ gay mbơh sơm, gĭt năl ma amoh Kôranh Brah jêh ri chalơi nau tih khân păng,

Ndrom Samƀŭt bơh Yôp 12:15

Păng nkrŭl dak, dak krong suăt kroh ro; Păng ăn dak mih jŭr ta neh, mir bêng ler.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Êsêkiêl 14:13

“Hơi kon bunuyh, moh bri dak mâu ƀư răp jăp ôh jêh ri ƀư tih tâm rdâng đah Gâp, jêh ri Gâp mra yơr ti tâm rdâng đah păng, mâu hôm ăn ndơ sông sa păng, ăn nau sât ji ngot jêh ri nkhĭt lĕ bunuyh ndrel mpô mpa bri tâm bri nây,

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Kan Lêvi 26:19

jêh ri nkê̆ch lơi nau sưr jêh ri suan khân may. Gâp mra ăn trôk khân may dăng tâm ban ma loih jêh ri neh tâm n'gor khân may jêng sơh tâm ban ma kông;

Ndrom Samƀŭt bơh Agê 1:10

Yor ri, yorlah khân may dĭng trôk kân tay dak tŭk, jêh ri neh ntu kân tay play do đŏng.

Sakari 14:17

Tâm lĕ phung mpôl băl bunuyh ta neh ntu, mbu nơm phung mâu văch tât ôh ma ƀon Yêrusalem gay yơk mbah panăp măt Hađăch, jêng Brah Yêhôva ma phung tahan, pôri mâu mra geh ôh dak mih ma khân păng.

Malachi 3:10

Lĕ ndơ du kô̆ tâm jât, ăn khân may nhhơr ăn nŭm ta jay prăp, gay geh ndơ sa tâm ngih brah Gâp. Jêh ri ntơm bơh aƀaơ, Brah Yêhôva ma phung tahan, sŏk hom nau aơ gay rlong uănh Gâp, gĭt lah Gâp pơk mpông bloh tâm trôk, nkhŭt nau ueh lăng ma khân may âk ngăn kŏ tât mâu tŏng ntŭk khân may ma dơ!

Luka 4:25

Nanê̆, Gâp lah ma khân may, tâm nôk Y-Êli, dôl trôk phang tâm pe năm prao khay, lĕ n'gor Israel geh nau ji ngot toyh, jêh ri tâm phung Israel geh đŏng âk bu ur ndrô.

Samƀŭt Pôl Njuăl Ăn Ma Phung Nsing Ta Ƀon Rôm 10:9

Pôri tơlah bâr mbung may mbơh Brah Yêsu jêng Kôranh Brah, jêh ri tâm nuih n'hâm may chroh ma Brah Ndu ƀư ăn Păng dâk rêh tay tă bơh nau khĭt, may mra rklaih yơh.

Samƀŭt Pôl Njuăl Ăn Ma Phung Nsing Ta Ƀon Rôm 15:9

jêh ri ƀư ăn phung bu năch tâm rnê Brah Ndu yor nau Păng yô̆ nđach. Tâm ban geh nau nchih: “Yor nây, Gâp mra tâm rnê ma Kôranh Brah ta nklang lĕ rngôch ntil mpôl bunuyh Jêh ri mprơ mât ton ma amoh Păng”

Nau Vay Nkah Tay 11:16

Njrăng hom, klach lah nuih n'hâm khân may tŭp tâm nau ndơm jêh ri chalơi Kôranh Brah, pah kan ma phung brah êng jêh ri yơk mbah ma khân păng,

Nau Vay Nkah Tay 11:17

ƀư ma Yêhôva ji nuih ma khân may, jêh nây Păng nchăng lĕ ndâr trôk gay mâu ăn ôh geh dak mih, neh mâu geh kao play ôh, jêh ri khân may mra rai lôch ro bơh n'gor ueh Brah Yêhôva ăn ma khân may.

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.