I Phung Hađăch 8:33 - Nau Brah Ndu Ngơi 2023

³³ Tơlah Israel, phung ƀon lan May, yor ƀư tih đah May, jêh nây phung rlăng lơh rai khân păng, tơlah khân păng plơ̆ sĭt ma May, mbơh amoh May jêh ri mbơh sơm vơl dăn ma May tâm ngih brah aơ,

I Phung Hađăch 8:33 ပူးပေါင်းရင်းမြစ်များ

I Phung Hađăch 8:34

pônây dăn May klơ trôk rkêng tôr iăt, yô̆ an nau tih ma phung ƀon lan Israel May jêh ri ƀư ăn khân păng plơ̆ sĭt ma n'gor May ăn jêh ma chô yau khân păng.

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

I Phung Hađăch 8:48

tơlah tâm n'gor phung rlăng khân păng, ta ntŭk khân păng ƀư dĭk bu, khân păng lĕ nuih n'hâm lĕ nau mĭn ŭch plơ̆ tay ma May, mbơh sơm ma May, rle mpeh ma n'gor Kôranh Brah lĕ ăn jêh ma phung chô yau khân păng, mpeh ƀon May hŏ săch jêh ri ma ngih brah gâp ndâk jêh ma amoh May,

Nau Mprơ Ơm 44:10

May ăn hên rŭch jêh tanăp phung rlăng Jêh ri phung tâm rmot ma hên ntŭng pit drăp ndơ.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Yêrêmi 36:7

Klăp lah khân păng mra plơ̆ tay vơh vơl ma Brah Yêhôva jêh ri chalơi trong mhĭk păng, yorlah nau nuih jêh ri hao nuih Brah Yêhôva hŏ mbơh jêh tâm rdâng đah ƀon lan aơ jêng krit toyh ngăn.”

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Yônais 3:10

Rnôk nây, Brah Ndu saơ nau khân păng ƀư jêh ri saơ khân păng hŏ chalơi jêh trong mhĭk khân păng pôri Păng tâm rgâl nau mĭn ma nau mhĭk tât ta klơ khân păng nâm bu hŏ lah, jêh ri Păng mâu ƀư nau nây ôh.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:48

yor ri tâm nau sa sât ji ngot, nau kuh rhôk jêh ri nau pưt kƀah ăp ntil ndơ, ăn khân may pah kan ma phung rlăng Brah Yêhôva njuăl khân păng tât gay lơh khân may. Păng mra dơm mbăk loih ta trô ko khân may kŏ tât ƀư rai lơi khân may.

Yôsuê 7:8

Ơ! Brah Yêhôva! Moh nau gâp hôm dơi lah dôl phung Israel hŏ ndôn kơi jêh ri nchuăt du panăp phung rlăng khân păng nơm?