I Phung Hađăch 8:32 - Nau Brah Ndu Ngơi 2023

³² pôri dăn ma May klơ trôk rkêng tôr iăt, ƀư an jêh ri phat dôih phung oh mon May, tâm rmal nơm geh nau tih, ƀư ăn păng tuy nau tih păng nơm, jêh ri dăn May Kơp nau sŏng srăng ma nơm Kơp nau sŏng srăng ma nau nkhôm tĭng nâm nau sŏng srăng păng.

I Phung Hađăch 8:32 ပူးပေါင်းရင်းမြစ်များ

II Samuel 22:21

Brah Yêhôva hŏ nkhôm jêh ma gâp tĭng nâm nau sŏng srăng gâp; Păng mplơ̆ ma gâp tĭng nâm nau kloh ti gâp,

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

I Phung Hađăch 2:33

Mham khân păng mra nkhŭt tay ta klơ bôk Y-Jôap jêh ri ta klơ bôk phung kon sau păng kŏ tât ƀaƀơ n'ho ro. Bi Y-Đavit jêh ri phung kon sau păng, ma nau chiă uănh jêh ri ma sưng hađăch păng mra dơi đăp mpăn tă bơh Brah Yêhôva mro mrăng.”

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Nau Mprơ Ơm 18:25

Mbu nơm răp jăp, Kôranh Brah mra tâm mpơl nau răp jăp; Mbu nơm nŭm rĭng, Kôranh Brah mra tâm mpơl May nơm jêng nŭm rĭng.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Ngluh Êjipt 23:7

Ăn kon der ngai đah lĕ nau ngơi nklă jêh ri lơi ta nkhĭt ôh bunuyh mâu geh nau tih mâu lah nơm sŏng srăng, yorlah Gâp mâu mra kơp ôh nau sŏng srăng ma nơm djơh mhĭk.

Nau Ngluh Êjipt 34:7

Djôt prăp nau rŏng kŏ tât rbăn rô̆ nuyh, Yô̆ an nau djơh mhĭk, nau ƀư tih jêh ri nau tih; Ƀiălah mâu kơp nơm geh nau tih ôh jêng mâu geh nau tih, Ƀiălah yor nau tih phung chô yau mra rmal ma phung kon sau kŏ tât pe, puăn rô̆ nuyh.”

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Nau Kơp Bunuyh 5:27

Tơlah kôranh ƀư brah lĕ ăn jêh bu ur nhêt dak tăng, tơlah bu ur nây ƀư ƀơ̆ jêh păng nơm jêh ri mâu gŭ răp jăp ôh đah sai păng, pôri dak tăng nau rak rtăp mra lăp tâm săk păng, ƀư ma păng geh nau rêh ni, rngot, ndŭl păng mra pŭk môr jêh ri glet nglu. Bu ur nây mra jêng nau rak rtăp ta nklang phung ƀon lan păng.

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 7:9

Kăl e, mâu geh nau vay gâp dơi gŭ rêh; ƀiălah dôl geh nau vay ntăm, nau tih plơ̆ rêh,

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.

I Samuel 2:25

Tơlah du huê bunuyh ƀư tih ma huê bunuyh ri, Brah Ndu phat dôih ma bunuyh nây; ƀiălah tơlah du huê nuyh ƀư tih ma Brah Yêhôva, mbu nơm mra mbơh sơm kơl an?” Ƀiălah khân păng mâu ŭch iăt ôh nau mbơ̆ khân păng, yorlah Brah Yêhôva ŭch nkhĭt lơi khân păng.