I Phung Hađăch 8:28 - Nau Brah Ndu Ngơi 2023

²⁸ Nđâp tơlah pônây, hơi Yêhôva jêng Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau oh mon May mbơh sơm nar aơ nhhơr tanăp măt May.

I Phung Hađăch 8:28 ပူးပေါင်းရင်းမြစ်များ

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Nau Rêh Jêng 6:19

Nđâp tơlah pônây, hơi Yêhôva Brah Ndu gâp! Dăn May treng uănh ma nau mbơh sơm jêh ri nau vơl dăn oh mon May, dăn rkêng tôr iăt nau nter jêh ri nau vah vơl dăn oh mon May kuăl mbơh sơm tanăp măt May.

Nêhêmi 1:6

Dăn măt Kôranh Brah treng uănh jêh ri tôr Kôranh Brah iăt nau gâp mbơh sơm gâp jêng oh mon Kôranh Brah, nau gâp mbơh sơm ăp nar nâm măng yor phung ƀon lan Israel, jêng phung oh mon Kôranh Brah gŭ tanăp măt Kôranh Brah jêh ri mbơh lĕ nau tih hên jêng phung ƀon lan Israel, hŏ ƀư tih jêh đah May. N'hêl nanê̆, gâp jêh ri phung chô yau gâp hŏ ƀư tih.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 4:1

Ơ Brah Ndu sŏng srăng gâp! tơlah gâp kuăl mbơh sơm, dăn plơ̆ lah ma gâp. Tơlah gâp geh nau rêh ni, dăn njŭn gâp luh ta ntŭk huy toyh; Dăn yô̆ nđach an ma gâp jêh ri iăt nau gâp mbơh sơm.

Nau Mprơ Ơm 5:1

Ơ Brah Yêhôva, dăn rkêng tôr iăt nau gâp ngơi, Sek uănh nau lŭng nter gâp.

Nau Mprơ Ơm 5:2

Ơ Hađăch gâp, Brah Ndu gâp, Dăn iăt bâr gâp nter kuăl, Yorlah gâp mbơh sơm ma Kôranh Brah.

Nau Mprơ Ơm 86:3

Ơ Kôranh Brah! Yô̆ nđach ma gâp, Yorlah ăp nar gâp kuăl dăn ma May.

Êsai 37:15

Y-Hêsêkia mbơh sơm ma Brah Yêhôva:

Luka 18:1

Brah Yêsu nkoch bri du nau hôr ma phung oh mon gay ăn khân păng mbơh sơm ƀaƀơ, lơi rdja nuih n'hâm ôh.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.