I Phung Hađăch 8:27 - Nau Brah Ndu Ngơi 2023

²⁷ Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

I Phung Hađăch 8:27 ပူးပေါင်းရင်းမြစ်များ

II Nau Rêh Jêng 2:5

Gâp ntơm ndâk ngih brah jêng toyh ueh ngăn ngên, yorlah Brah Ndu hên jêng toyh lơn ma lĕ rngôch brah.

II Nau Rêh Jêng 2:6

Ƀiălah, mbu nơm dơi ndâk ngih brah ma Păng? Yorlah lĕ ndâr trôk, nđâp ma lĕ ndâr trôk ta klơ dŭt prêh mâu dơi đŏng tŏng prăp ma Păng! Pônây, mbu nơm gâp jêng, dĭng dơi ndâk du mlâm ngih brah ăn Kôranh Brah? Knŏng ŭch ndâk du mlâm ngih brah prăp gŭch ndơ ƀâu kah tanăp Păng rĭ dơm.

II Nau Rêh Jêng 6:18

Ƀiălah ngăn lĕ! Brah Ndu geh gŭ ndrel ma bunuyh tâm neh ntu aơ? Ri, trôk, jêh ri lĕ ndâr trôk ta klơ dŭt prêh mâm dĭng mâu dơi tŏng prăp ma Kôranh Brah, rlau lơn ma ngih brah gâp hŏ ndâk jêh ta aơ!

Nau Mprơ Ơm 113:4

Lĕ bri dak bu mra n'hao ma Brah Yêhôva. Nau chrêk rmah Păng prêh lơn ma lĕ ndâr trôk.

Nau Mprơ Ơm 148:4

Hơi trôk tâm lĕ ndâr trôk, Hơi phung tu dak gŭ ta klơ lĕ ndâr trôk, Tâm rnê hom ma Păng!

Nau Mprơ Ơm 68:33

Păng jêng Nơm ncho ta klơ ma lĕ ndâr trôk ntơm bơh saơm, Iăt hom bâr Păng nter huy.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

II Kôrintô 12:2

Gâp gĭt năl du huê bunuyh tâm Brah Krist, geh jât ma puăn năm rlau jêh, bu chông păng hao klơ ndâr trôk rơh pe (mâu lah tâm săk jăn, mâu lah padih săk jăn bunuyh, gâp mâu gĭt, Brah Ndu gĭt).

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Vay Nkah Tay 10:14

Aơ, trôk jêh ri lĕ ndâr trôk dŭt prêh, neh ntu jêh ri lĕ rngôch mpa klơ neh jêng ndơ Yêhôva Brah Ndu khân may.

I Yôhan 3:1

Uănh hom Brah Ndu Mbơ̆ ăn nau rŏng toyh ngăn ma he, kŏ tât Brah Ndu rnha he jêng kon Păng, jêh ri he jêng kon Păng ngăn! Yor nĕ neh ntu mâu gĭt năl he, yorlah neh ntu mâu gĭt năl Brah Ndu ôh.