I Phung Hađăch 8:22 - Nau Brah Ndu Ngơi 2023

²² Jêh nĕ, Y-Salômôn dâk panăp nơng ƀư brah Brah Yêhôva, tanăp lĕ rngôch phung Israel tâm rƀŭn, yơr bar đah ti rlet klơ trôk, jêh ri mbơh sơm pô aơ:

I Phung Hađăch 8:22 ပူးပေါင်းရင်းမြစ်များ

I Phung Hađăch 8:54

Tơlah Y-Salômôn hŏ nhhơr ma Brah Yêhôva lĕ nau mbơh sơm jêh ri nau vơl dăn aơ lôch jêh, hađăch dâk tanăp nơng ƀư brah Brah Yêhôva, ntŭk hađăch hŏ chon kômâk jêh ri yơr bar ti leo klơ trôk.

II Phung Hađăch 11:14

Păng saơ hađăch gŭ dâk êp meh n'gâng prêh tĭng nâm nau vay rƀŭn, geh phung kôranh jêh ri phung bunuyh uh nŭng gŭ dâk êp kêng hađăch. Lĕ rngôch phung ƀon lan tâm n'gor hâk răm da dê ta nklang bâr nŭng huy ngăn. H'Athali nkhêk ao păng ro jêh ri nter: “Nau ƀlêp ƀlêr! Nau ƀlêp ƀlêr ro yơh!”

II Phung Hađăch 23:3

Hađăch dâk tâm knưl prêh jêh ri ƀư nau tâm rnglăp tanăp Brah Yêhôva, ton chuat tĭng Brah Yêhôva, jêh ri ma lĕ nuih n'hâm, ma lĕ huêng djôt prăp lĕ nau vay ntăm, nau ntrŭnh, jêh ri nau vay dăp bơh Păng, gay ƀư tĭng nau ngơi ma nau tâm rnglăp hŏ nchih jêh tâm ndrom samƀŭt aơ. Lĕ rngôch phung ƀon lan ton nanê̆ da dê ƀư nau tâm rnglăp nây.

Êsra 9:5

Tât jêh mông nhhơr ƀư brah kêng mhaơ, gâp dâk tă bơh ntŭk rêh ni bêk prêng, ao tâm dâng jêh ri ao jong lĕ hêk jêh, jêh ri gâp chon kômâk, yơr ti gâp rle mpeh Yêhôva Brah Ndu gâp

Ndrom Samƀŭt bơh Yôp 11:13

Pônây tơlah may ndrăp nuih n'hâm may nơm ăn jêng sŏng. Jêh ri yơr ti rle mpeh Kôranh Brah,

Nau Mprơ Ơm 28:2

Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nau Mprơ Ơm 63:4

Pôri gâp mra tâm rnê lah ueh ma May lĕ nau rêh gâp; Tâm amoh May, gâp mra yơr ti.

Nau Ngluh Êjipt 33:10

Lah saơ n'gâng tŭk gŭ ta mpông Ngih Bok, lĕ rngôch phung ƀon lan dâk da dê, jêh nây ăp nơm yơk mbah ta mpông Ngih Bok păng nơm.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Nau Ngluh Êjipt 9:33

Y-Môis luh bơh Pharaôn, hăn padih ƀon, yơr ti păng ma Brah Yêhôva; nglaih jêh ri mih tŭp pler nsrŭng; trôk mâu hôm mih đŏng ôh.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.