I Phung Hađăch 8:15 - Nau Brah Ndu Ngơi 2023

¹⁵ Hađăch lah: “Tâm rnê ngăn ma Yêhôva Brah Ndu phung Israel, Nơm hŏ ton jêh ma Y-Đavit, mbơ̆ gâp, jêh ri sŏk ti Păng nơm ƀư tât di ngăn lĕ rngôch nau nây. Păng lah pô aơ:

I Phung Hađăch 8:15 ပူးပေါင်းရင်းမြစ်များ

II Samuel 6:18

Tơlah Y-Đavit hŏ nhhơr ndơ ƀư brah gŭch jêh ri ndơ ƀư brah ma nau đăp mpăn lôch jêh, hađăch sŏk amoh Brah Yêhôva ma phung tahan gay ăn nau ueh uĭn ma phung ƀon lan;

II Samuel 7:25

Pônây aƀaơ, hơi Yêhôva Brah Ndu! Dăn ƀư nâp ktang kŏ tât ƀaƀơ n'ho ro lĕ nau May ngơi jêh ma oh mon May jêh ri ma nau chiă uănh păng, jêh ri ƀư di tĭng nâm nau May ngơi jêh.

II Samuel 7:5

“Hăn hom lah ma Y-Đavit, oh mon Gâp, pô aơ Brah Yêhôva lah: ‘May mra ndâk ăn ma Gâp du mlâm ngih brah gay Gâp gŭ ta nây lĕ?

I Nau Rêh Jêng 16:36

Tâm rnê ngăn ma Brah Yêhôva, Brah Ndu Israel, Ntơm bơh rnôk n'ho ro tât ma rnôk n'ho ro!” Lĕ rngôch phung ƀon lan plơ̆ lah ma du bâr: “Amen!” Jêh ri mât ton ma Brah Yêhôva.

I Nau Rêh Jêng 17:12

Păng yơh mra ndâk du mlâm ngih brah ma Gâp, jêh ri Gâp mra ăn nâp sưng hađăch păng kŏ tât ƀaƀơ n'ho ro.

I Nau Rêh Jêng 22:10

Păng mra ndâk du mlâm ngih brah ma amoh Gâp; păng mra jêng kon bu klâu Gâp jêh ri Gâp mra jêng mbơ̆ păng. Gâp mra njêng sưng hađăch păng nâp ngăn ngên n'ho ro tâm n'gor Israel.’

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

II Nau Rêh Jêng 20:26

Tât nar rơh puăn, khân păng tâm rƀŭn tâm rlŭng Bêraka, jêh ri tâm rnê ma Brah Yêhôva ta nây; yor nây, bu ntơ ntŭk nây jêng rlŭng Bêraka kŏ tât ta nar aơ.

II Nau Rêh Jêng 6:4

Păng lah: “Tâm rnê ngăn ma Yêhôva Brah Ndu phung Israel, jêng Nơm hŏ yơr ti ƀư lôch jêh nau ton bơh Păng hŏ ntăm jêh ma Y-Đavit, mbơ̆ gâp. Yorlah Păng lah pô aơ:

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Nau Mprơ Ơm 115:18

Ƀiălah hên mra tâm rnê ma Brah Yêhôva. Ntơm bơh aƀaơ tât n'ho ro. Halêluya!

Nau Mprơ Ơm 138:2

Gâp mra yơk mbah mpeh ma ngih brah kloh ueh May, Lah ueh ma amoh May yor nuih n'hâm ueh jêh ri nau răp jăp May. Yorlah Kôranh Brah hŏ ƀư ma nau May ngơi jêh ri amoh May Dơi geh nau yơk lơn đah lĕ rngôch.

Nau Mprơ Ơm 41:13

Mât ton ma Brah Yêhôva Brah Ndu phung Israel, Ntơm bơh rnôk n'ho ro tât rnôk n'ho ro Amen! Amen!

Êsai 1:20

Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Luka 1:70

Tâm ban ma Păng hŏ dŏng bâr mbung phung nơm mbơh lor kloh ueh Hŏ ton ntơm bơh rnôk kăl e,

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Yôsuê 21:45

Tâm lĕ nau ton ueh Brah Yêhôva hŏ ăn jêh ma ngih Israel, mâu geh ôh du ntil nau mâu jêng ngăn. Lĕ rngôch tât di ngăn da dê jêh.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Samuel 25:32

Y-Đavit lah ma H'Abigêl: “Tâm rnê ngăn ma Yêhôva Brah Ndu phung Israel, yorlah nar aơ Păng prơh hăn jêh ay hăn tât tâm mâp đah gâp!